Гарантирование

Төмендегі салалардан басқаларында салалық шектеу жоқ. Олар:

1.    Сауда саласындағы жобалар (айналым қаражатын толықтыруға 100 млн. теңгеден аспайтын сомадағы несиелерден басқа);

2.    Қазақстан Республикасы Кәсіпкерлік кодексінің 24-бабының 4-тармағында көрсетілген қызмет түрлері бойынша жүзеге асырылатын кәсіпкерлік жобалар тізбесі (осы тармақшаның күші 2020 жылғы 20 сәуірден бастап туындаған қатынастарға жүреді);

3.    микроқаржы ұйымдары мен лизингтік компаниялар қызметі;

4.    кәсіпкерлер/индустриялық-инновациялық қызмет субъектілері (ЭҚЖЖ 41.20.1), (ЭҚЖЖ 41.20.3), (ЭҚЖЖ 68.10.1), (ЭҚЖЖ 68.10.2), (ЭҚЖЖ 68.20.1), (ЭҚЖЖ 68.20.2), (ЭҚЖЖ 77.1) қызмет түрлері бойынша іске асыратын жобалар бойынша*

* ЭҚЖЖ бойынша толығырақ ақпарат «Бизнестің жол картасы-2025 бизнесті қолдау мен дамытудың мемлекеттік бағдарламасы аясында несие бойынша кепілдік беру қағидаларында көрсетілген

«Даму» Қоры кепілдік беруден төмендегі жағдайларда бас тартуы мүмкін:

1.    Жобаның экономикалық орынсыздығы мен тиімсіздігі;

2.    Бағдарлама талаптарына сай келмеуі;

3.    Бағдарламаның әлеуетті қатысушысының және онымен аффилді заңды және жеке тұлғалардың теріс несие тарихы болса.

«Бизнестің жол картасы-2025» МБ аясындағы басымдықтар мен талаптарына кәсіпкердің бизнес-жоспарының мазмұны және қаржы-шаруашылық жай-күйі сәйкес келген жағдайда, кәсіпкер екінші деңгейлі банкке жүгінеді. Онда кәсіпкердің банк шоты да болуы мүмкін. Несиенің пайызын субсидиялау және/немесе несиеге ішінара кепілдік беруге өтінім береді.

Банк жобаның қаржы-экономикалық тиімділігін бағамдап, оң шешім шығарған жағдайда өтінім берушіге жобаны несиелеу/қаржы лизингі шартын жасасуға дайындығы туралы хабарлама жібереді.

Кепілзат жетіспеген жағдайда, банктен несие алу үшін «Даму» Қорының кепілдігін пайдалануға болады.

Ол үшін кәсіпкер алдымен Банкке жүгінеді. Банк ішкі рәсімге сәйкес жобаға кешенді сараптама жүргізеді және өтінім беруші ұсынған кепілдік мүлікті бағалау туралы қорытынды негізінде кәсіпкердің кепілзаты құнын бағалайды. Еер жеткіліксіз болған жағдайда «Даму» қорының ішінара кепілдігімен жобаны қаржыландыру не қаржыландырудан бас тарту туралы шешім қабылдайды. Банк кепілдік беру туралы шешім қабылдау үшін қажетті құжаттарды «Даму» қорына жібереді. «Даму» Қоры кепілдік беру туралы оң шешім қабылдаған жағдайда, үш жақты кепілдік шартына қол қойылады. Сондай-ақ банк қарамай тұрып Қор кепілдігін алатын да опция бар.

Жобасы басымдық берілген салалар тізбесіне енбеген және несие бойынша пайыздық мөлшерлемесі асып кеткен жобалар үшін «Даму-Оптима» бағдарламасын пайдалану мүмкіндігі бар. Бағдарлама аясында кәсіпкер берілген кепілдік сомасының қалдығынан 2,5% мөлшерін Қорға жыл сайын комиссия ретінде төлейді.

Іс бастаушы кәсіпкер. Бұл статусқа ЖК/ЖШС тіркелген күннен бастап екінші деңгейлі банкке өтініш берген сәт арасында 3 жыл өтпеген кәсіпкерлер жатады.

Бизнесі бұрыннан бар кәсіпкер. Бұл статусқа ЖК/ЖШС тіркелген күннен бастап екінші деңгейлі банкке өтініш берген сәт арасында 3 жылдан асқан кәсіпкерлер жатады.

БЖК-2025 БП бойынша:

Кәсіпкер - шағын және (немесе) орта кәсіпкерлік субъектісі, жеке кәсіпкерлік субъектілері, өз қызметін Механизм аясында жүзеге асыратын жеке кәсіпкерлік субъектісі, сондай-ақ «Астана» халықаралық қаржы орталығының аумағында тіркелген заңды тұлғалар

«Бизнестің жол картасы – 2025» бизнесті қолдау мен дамытудың мемлекеттік бағдарламасы аясында берілетін кепілдік мөлшері кәсіпкердің статусына байланысты. Банк талап еткен көлемдегі кепілдікке шама жетпеген жағдайда Даму Қоры ісін жаңа бастаған кәсіпкерлерге несие сомасының 85 пайызына, бизнесі бар кәсіпкерлерге несие сомасының 50 пайызына дейін кепілдік береді. 100 пайыздың қалған 15 немесе 50 пайызын кәсіпкер өзі ұсынады.

«Бизнестің жол картасы-2025» бизнесті қолдау мен дамытудың мемлекеттік бағдарламасы аясында кепілдік шығару үшін Комиссия жоқ.

Инвестициялау, айналым қаражатын толықтыру және ағымдағы қарыздарды қайта қаржыландыру мақсатында беріледі. Барлық бағдарламалар бойынша емес.

Кепілдік беру – қаржы агентінің (Қаржы агенті – «Даму» Қоры) несие шарты бойынша Банк талап еткен кепілзат жетпеген жағдайда негізгі қарыздың бір бөлігін төлеу бойынша кәсіпкердің борышын мойынға алу міндеттемесі.