ТОП 10 вопросов

Өтінімдерді қарау мерзімі ЕДБ ішкі рәсімдері мен саясатына байланысты.

Ақысы, мерзімі және қайтарым түріне, яғни қаражатты борышкердің қалай қайтарғанына қарамастан, банк Қор алдындағы берешекті белгіленген мерзімде өтеуге міндетті. Сондықтан банкке ішкі саясатына сәйкес, несие беру үшін шағын және орта кәсіпкерлік субъектісін өз қалауы бойынша, өз бетінше таңдау құқығы берілген. Банкке жүгінген кәсіпкер несие офицерінен қарызды қайта қаржыландыру немесе жаңа несие алу үшін тапсырылуы керек құжаттар тізімін алады.

Биыл «Бизнестің жол картасы-2025» бизнесті қолдау мен дамытудың мемлекеттік бағдарламасына бөлінген бюджет өңірлерде өнімге сұраныстың жоғары болуына байланысты тез игерілді. Қосымша қаражат жергілікті және/ немесе республикалық бюджеттен уақытылы сұратылған.

2021 жылы Бағдарламаны жүзеге асыру үшін қосымша қаражат бөлініп, 2021 жылдың маусым айының басында бағдарламаға өтінім қабылдау қайта басталды.

Бұл ретте Бағдарламаның 1-ші бағыты бойынша портфельдік кепілдікке өтінімдер Ақтөбе, Алматы, Батыс Қазақстан, Маңғыстау, Солтүстік Қазақстан облыстарында және Шымкент қаласында қайта басталды, қалған өңірлерде бөлінген қаражат бұрын қабылданған міндеттемелер бойынша бөлінді.

Бүгінгі күні кепілдік беру жөніндегі өтінімдерді қарау бағдарламаның 2-ші бағыты бойынша жүргізілуде және Қарағанды, Қостанай, Шығыс Қазақстан, Түркістан облыстарын қоспағанда, барлық өңірлерде жүзеге асырылып жатыр.

«Даму» Қоры грант бермейді. «Бизнестің жол картасы-2025» мемлекеттік бағдарламасы аясындағы грант өңірлердегі әкімдіктер жанынан құрылған грант комиссиясының шешіміне сәйкес, қайтарымсыз негізде беріледі. Ол үшін сіз өзіңіз тұратын жердегі әкімдікке жүгінуіңіз керек.

 

Анықтама үшін: грант сомасы 5 000 000 теңгені құрайды, мұнда басты талап – жобаңыздың инновациясы. Гранттарды бөлу бойынша конкурсқа:

* 29 жасқа дейінгі (қоса алғанда)ісін жаңа бастаған жас кәсіпкерлер;

* кәсіпкер ретінде тіркелгеніне 3 жылдан аспаған (ісін жаңа бастаушы) кәсіпкерлер;

* әйел кәсіпкерлерге жасқа шектеу жоқ;

* мүмкіндігі шектеулі адамдар.

 

Конкурсқа қатысу үшін «Атамекен» ҰКП арқылы оқып, бизнес-жоспар жасап, қажетті құжаттарды жинап, облыс әкімдігінің кәсіпкерлік және инвестициялар басқармасына өтінім беру қажет.

Қордың бағдарламалары бойынша стартап-жобаларды қаржыландыруға тыйым жоқ. Жоба қандай да бір бағдарламаның шарттарына және екінші деңгейлі банк/микроқаржы ұйымдары/лизинг компанияларының талаптарына сәйкес келген жағдайда Стартап жобалар қаржыландырылуы мүмкін.

Сонымен қатар, жобаларды, оның ішінде стартап жобаларды іріктеу, қарау және шешім шығару – екінші деңгейлі банктер және/немесе микроқаржы ұйымның еншісінде. Яғни сол мекемелердің несиелеу бойынша ішкі саясатына қарай шешім қабылданады.

Сондай-ақ, банктер стартап жобаларды жұмыс істеп тұрған бизнестен басқа салада бизнес ашу кезінде қарастырады.

«Даму» Қорының бағдарламалары аясында кепілсіз несие беру қарастырылмаған. Бірақ «БЖК-2025» мемлекеттік бағдарламасының бірінші бағыты бойынша портфельдік ішінара кепілдік беру бар. Онда несие/микронесиеге берілетін кепілдік мөлшері несие /микронесие сомасының 85%-на дейінгі шаманы құрайды. Несие сомасының қалған бөлігін банктің талабы бойынша кәсіпкер ұсынады.

Сіз несие алу үшін бизнес-жоспарды өзіңіз жасай аласыз немесе маманға хабарласып көмек сұрай аласыз. Егер бизнес-жоспарды өзіңіз жасағыңыз келсе, https://damu.kz/poleznaya-informatsiya/bizness-plany сілтемесі бойынша кіріп, біздің веб-сайттағы бизнес-жоспарлардың типтік үлгілерін пайдалана аласыз. Егер мамандар арқылы тегін қызмет алғыңыз келсе –«Атамекен» Ұлттық Кәсіпкерлер Палатасының маркетологтарының қызметіне жүгінуді ұсынамыз. Бұл қызмет туралы толық ақпаратты 1432 қысқа нөмірі арқылы біле аласыз.

Кепіл – бұл қарыз алушыға тиесілі және несие қайтарылатынының кепілі болатын құнды мүлік. Банк үшін кепілмен берілетін несие – несиенің неғұрлым қауіпсіз түрлерінің бірі болып саналады. Қарыз алушыға тиесілі пәтер, саяжай, кеңсе, өндірістік үй-жай, автомобиль, бағалы қағаздар немесе банк депозиті несие алу үшін кепіл ретінде жарайды. Несиеге кепіл ретінде рәсімделетін мүліктің өтімділігі жоғары болуы маңызды. Несие бойынша бар тәуекел банктің мойнында, сондықтан кепіл сұрау саясаты банкке тиесілі. Егер банктің кепіл саясаты бойынша аудандарда, ауылдық елді мекендерде орналасқан мүлікті кепіл ретінде қарауға мүмкіндік берсе, онда бұл жағдайда клиенттің барлық тәуекелдерін бағалап және төлем қабілеттілігін мұқият тексергеннен кейін банк жылжымайтын мүлікті кепілге алып, несие беру туралы түпкілікті шешім шығарады.

Қазір «Даму» Қоры ШОКС-ты тікелей қаржыландырмайды. Өйткені ШОКС-қа арналған мемлекеттік бағдарламалар шеңберінде бөлінетін қаражат көлемі едәуір. «Даму» Қорының мұндай бағдарламаларды өз бетінше іске асыруға мүмкіндігі жоқ. Осыған байланысты осы мақсаттарға Екінші деңгейдегі банктер және өзге де қаржы ұйымдары тартылады. «Даму» Қоры бұл схемада мемлекет пен ШОКС арасындағы байланыстырушы буын ретінде мемлекет қаражатының игерілуін бақылауды жүзеге асыратын орган. Сондай-ақ, «Даму» Қоры ШОКС кепілдендіру және субсидиялау, сондай-ақ кеңес беру, оқыту түрінде ШОКС басқа да қолдау көрсетеді.

Кәсіпкер «Бизнестің жол картасы – 2025» бизнесті қолдау мен дамытудың мемлекеттік бағдарламасы аясында кешенді қолдау ала алады және бір жоба бойынша қаржы, субсидия және кепілдікті қатар ала алады.

Алайда, кәсіпкер Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған «Еңбек» мемлекеттік бағдарламасы және жергілікті атқарушы органдар мен «Даму» Қорының қаражаты есебінен жүзеге асырылатын кейбір өңірлік бағдарламалар аясында алынған несие бойынша субсидия ала алмайды, өйткені несие бойынша пайыздық мөлшерлеме 6%, яғни жеңілдетілген болады.