Жабу
Кеңес ал!
Көптеген адамның кәсіпкерлік әлеміндегі табыс тарихы басқалар үшін шабыт көзі. Солардың бірі – «Aizhamal Tattileri» кафе-кондитерлік желісінің негізін қалаушы Айжамал Жамбуршинаның жетістік жолы. Бұл бренд оңтүстікте жыл өткен сайын кең тарап, тұтынушылардың сұранысы артып келеді.
Кәсіптің алғашқы баспалдағы Шымкент қаласындағы шағын дәмханадан бастау алды. Ол жерде Айжамал халыққа дәмді десерттер ұсына бастады. Айжамал шеберлігімен ерекшеленіп, әр рецептке жан-тәнімен беріліп, пісіретін. Оның жетістігінің сыры тек мінсіз сапа ғана емес, сонымен қатар әрбір тұтынушының тілегін дұрыс түсінуде де жатыр.
Қысқа уақыт ішінде оның тәттілері танымал болып, «Aizhamal Tattileri» брендіне сұраныс арта бастады. Бұл – желіні кеңейтудің алғашқы қадамы болды. Айжамал тоқтап қалмай, жаңа филиалдар ашып, ассортиментті кеңейте түсті. Күн өткен сайын мәзірде десерттердің саны ұлғая бастады. Әрбір жаңа өнім тұтынушылар тарапынан үлкен қызығушылықпен қабылданды. Айжамал жетістіктен шабыт алып, өз концепциясын одан әрі дамыта отырып, қазіргі заманғы трендтер мен дәмдерге сәйкес жаңалықтар енгізуді жалғастырды.
Айжамал тек кәсіпкер ғана емес, сондай-ақ нағыз гурман. Өнімдерінің сапасы әрдайым бірінші орында тұрды. 2024 жылы компания өзінің жоғары стандарттарына сәйкес QMDB Halal сертификатын алды. Бұл жағдай оның тарихында маңызды кезең болды, себебі сертификат тек сапаның кепілі ғана емес, сонымен бірге брендтің гигиена мен қауіпсіздік талаптарына сай жұмыс істейтінін және өз тұтынушыларына үлкен жауапкершілікпен қарайтынын білдіреді.
Айжамал сонымен қатар заманауи технологияларды өндірістік процестерде қолдануға ерекше назар аударады. 2024 жылы Бірыңғай кешенді бағдарламаға қатысу мүмкіндігін пайдаланып, «Банк ЦентрКредит» АҚ арқылы жылдық 19,75%-бен қаражат алды, оның 11,75%-ын «Даму» қоры субсидиялайды. Бұл қолдау жаңа кондитерлік ғимарат және қажетті жабдықтарды сатып алуға мүмкіндік берді, осылайша бизнесінің даму жолында жаңа қадам жасалды.
Бүгінде «Aizhamal Tattileri» – тек кафе-кондитерлік желі ғана емес, нағыз табыстың, еңбекқорлықтың белгісі. Айжамал Жамбуршина – өз ісіне деген сүйіспеншілігі мен қажырлы еңбегінің арқасында армандарын жүзеге асырған әйел, ол өз мысалында басқа әйелдерге алға қарай қадам жасауға, жетістікке жетуге шабыт береді. Компанияның кеңеюі жалғасуда, ал оның өнімдері мыңдаған адамдардың сүйіктісіне айналып, әр сәтті ерекше етіп жасайды.
Шымкент қаласы, Қаратау ауданы, 225 квартал, уч. 373
Телефон: +7‒700‒938‒88‒88
Инстаграм: @aizhamal_tattileri
