Неміс сапасы бар гастрономиялық ет

«THE CHEF delicatessen» ЖК – жоғары сапалы тағамға деген құштарлық, бай тәжірибе және инновациялық тәсіл шағын бизнесті табысты және сұранысқа ие кәсіпорынға айналдыра алатынының жарқын мысалы. 2017 жылы құрылған компания Астанада ет деликатестерін өндіруде көшбасшылардың бірі атанды.

Компанияны құру идеясын нарыққа мейрамхана сегментіне эксклюзив ет өнімдерін ұсынғысы келетін ерлі-зайыптылар алып келді. Бизнес иесі Екатерина Карих сапалы асқа деген құштарлығынан шабыт алып, күйеуі, халықаралық тәжірибесі бар атақты аспаз Артем Марченкомен тізе қосты. Ол Германияда бес жыл аспаз болып жұмыс істеп, құнды тәжірибе жинаған жан.

Артем Марченко астананың «Мюллер», «Эклер», «Пивница» және басқа да көптеген мейрамханаларында көп жыл еңбек еткен. Оның гастрономиялық өнердегі еңбегіне бренд-аспаздың марапаттары мен атақтары дәлел. Бұл оның ингредиенттер сапасына назар аударуы және әр тағамдағы кемелділікке деген ұмтылысы «THE CHEF delicatessen» компаниясының философиясына негіз болды.

Компания стейк, шұжық, гриль шұжықтары, брусчетта, барбекю қабырғалары, паста және басқа да гастрономиялық ет өндірісіне маманданған. Оларды өндіруде алмастырғыштарды қоспай-ақ ең жақсы ет сорттары ғана пайдаланылады, ал барлық өнімдер неміс технологиясын қолдана отырып өндіріледі, бұл ерекше сапа мен бай дәмге кепілдік береді.

Компания Астана мейрамханалары арасында сенімге ие.

2020 жылы «ForteBank» АҚ қаржыландыруының арқасында өз мүмкіндіктерін кеңейтті. «Бизнестің жол картасы-2025» бағдарламасының көмегімен компания қажетті үй-жайларды сатып алып, несиенің пайыздық мөлшерлемесін 6%-ға дейін төмендете алды, сондай-ақ «Даму Қорының» 31% кепілдігін алды. Бұл компанияға өз позициясын нығайтып қана қоймай, өндірісті едәуір кеңейтуге мүмкіндік берді.

Компания табысының негізгі факторы деп құрылтайшыларының кәсібилігі, өнімнің үнемі жоғары сапасы және өндірістің қатаң стандарттарын сақтауы деуге болады. Осы принциптердің арқасында «THE CHEF delicatessen» дамуын жалғастыруда, ассортиментін кеңейтуде және нарықтағы позициясын нығайтуда.

Астана, Ақыртас көшесі, 1/1

Телефон: +7-700-450-00-02

Instagram: @the_chief_delicatessen