Жабу
Кеңес ал!
2020 жылдың маусым айында «Kaspi Grain Way» компаниясы экспортқа астық тиейтін тиімді әрі заманауи жүйе құру мақсатында құрылды. Қазақстанның аграрлық әлеуеті мол ел болғанмен, астық тасымалдаудың ыңғайлы әрі экономикалық тұрғыдан тиімді шешімдеріне мұқтаж. Осы мәселені шешуді «Kaspi Grain Way» мойнына алды. Компания жетістікке жету жолында маңызды қадам жасап, Каспий теңізінің жағалауында орналасқан Құрық порты аумағында заманауи астық терминалын салды. 2024 жылдың қараша айында терминал жұмысын бастап, клиенттерге 27 000 тонна астық сыятын, аса жылдам астық тиеу желілерін ұсынды. Инновациялық технологиялардың арқасында астық ауыстырып тиеу процесі барынша тиімді бола түсті:
Сағатына 300 тонна – астықтың силостан уақытша сақтау орындарына дейінгі қозғалу жылдамдығы;
Сағатына 700 тонна – астықты кемелерге тиеу жылдамдығы.
Соның нәтижесінде терминал айына 50 000 тоннаға дейін астық тиеуге мүмкіндік алды. 2025 жылдың ақпанына қарай жалпы тиеу көлемі 60 000 тоннаға жетіп, ай сайын өсіп отырды. Терминалдың іске қосылуы қазақстандық астық трейдерлері үшін серпіліс болды. Бұрын астық экспорттау шығынды көп қажет ететін, ал жаңа терминалдың пайда болуымен логистикалық шығындар қысқарып, қазақстандық өндірушілердің өнімдері халықаралық нарықта бәсекеге қабілетті бола түсті. Енді астық теңіз арқылы тасымалданып, шығындарды азайтуға және сауда тиімділігін арттыруға мүмкіндік береді. «Kaspi Grain Way» компаниясы аймақтың экономикалық дамуын ғана емес, экологиялық қауіпсіздікті де қолдайды. Vigan (Бельгия) өндірісінің заманауи тиеу краны кемелерге тиеу кезінде шаң шығару деңгейін айтарлықтай төмендетеді, бұл процесті экологиялық таза әрі қауіпсіз етеді. Сонымен қатар, компания аймақтың әлеуметтік дамуына үлес қосып, 10 жаңа жұмыс орнын ашты. Оның ішінде 6 қызметкер – Қарақия ауданының тұрғындары, олар 350 000 – 500 000 теңге аралығында тұрақты жалақы алуда.
Компания алға қойған мақсаттарынан бас тартпай, әрі қарай дамуды жоспарлап отыр. Жақын арада астық сақтау сыйымдылығын 51 000 тоннаға дейін арттыру көзделген, бұл ай сайынғы тиеу көлемін 100 000 тоннаға, ал жылдық көлемді 1 миллион тоннаға жеткізуге мүмкіндік береді. Бұл жоспарлар Ақтау портының қолданыстағы астық терминалдарын жүктемеден босатуға және Транскаспий халықаралық көлік бағытының дамуына ықпал етеді.
Компанияның басшысы – Жаслан Мәдіяұлы Ысқақов. Ол 25 жылдық еңбек жолының 15 жылы қаржы саласында және 12 жыл басшылық қызметте өткен кәсіби маман.
2022 жылы компания қызмет аясын кеңейту үшін жаңа жабдықтар сатып алып, «Bank RBK» АҚ арқылы несие рәсімдеді. Сонымен қатар, «2021-2025 жылдарға арналған кәсіпкерлікті дамыту жөніндегі ұлттық жоба» мемлекеттік бағдарламасы аясында қолдау алып, пайыздық мөлшерлемені 6%-ға дейін төмендетуге мүмкіндік алды. Бұл шешім бизнестің тұрақты дамуын және қызмет сапасының артуын қамтамасыз етті.
Маңғыстау облысы, Қарақия ауданы, Құрық ауылы, «Сарша» учаскесі, 38
Телефон: +7 771 501 02 29
Сайт: nzk.kz/ru
Instagram: novoishim.z.k
