2010 жылы Асыл Сұлтанұлы құрылысқа арналған болат конструкциялар өндірісіндегі болашағы зор бағытты байқап, «Ұлытау Строй Сервис» компаниясын құрды және оның жалғыз басшысы әрі құрылтайшысы болды. Компания сыртқы жарнама, жылы аялдамалар, шаруа жайлар, күзет бекеттері, қоқыс жәшіктері, металл конструкциялар және басқа да өнімдерді өндіруге кірісті.

Кәсіпкерлік жол оңай болған жоқ: қызметінің алғашқы кезеңінде ол шикізаттың жетіспеушілігіне, қаржының тапшылығына және өндірістік орындардың болмауына тап болды. Алайда бұл қиындықтар оны мойытпай, керісінше ісін дамытуға және өзіне де, қоғамға да пайда келтіруге деген жігерін нығайтты.

Уақыт өте келе компания өсіп, Ұлытау облысындағы алдыңғы қатарлы кәсіпорындардың біріне айналды. Ол «Қазақмыс» корпорациясына және өңірдің басқа да тұтынушыларына қажетті материалдарды жеткізу және орнату жұмыстарын жүзеге асырып келеді. 2015 жылы кәсіпорын ресми түрде орналасқан жерін өзгертіп, елорда — Астанаға көшті, бұл қызмет ауқымын едәуір кеңейтуге мүмкіндік берді.

Өндірісті жаңғырту және шығарылатын өнімдердің сапасын арттыру мақсатында Асыл жаңа жабдық сатып алу туралы шешім қабылдады. Осы мақсатта ол «Даму» кәсіпкерлікті дамыту қоры» АҚ-ына және «Банк ЦентрКредит» АҚ-ына жүгініп, «Кепілдік қоры 1» бағдарламасы аясында мемлекеттік қолдау алды. Қор тарапынан берілген кепілдік сомасы 10 005 000 теңгені құрады.

Бүгінде Асылдың компаниясы халық үшін жоғары сапалы және тұрақты өнім өндіруші, Ұлытау облысы мен Астана қаласындағы осы бағытта жұмыс істейтін кәсіпкерлер үшін сенімді серіктес әрі әділ бәсекелес болып табылады. Қазіргі уақытта кәсіпорын «Индустриялық сертификат» алу кезеңінде, бұл олардың өндірістік жетістігін растайды және республика деңгейінде бәсекеге қабілетті болуға мүмкіндік береді.

Егер Асыл өз жолының басында барлық жұмысты жалғыз атқарған болса, бүгінде оның кәсіпорны айтарлықтай өсіп, компания штатында өз ісін жақсы білетін 15 білікті қызметкер жұмыс істейді. Жаңа жұмыс орындарының ашылуы, өндіріс көлемінің артуы — пайда өсіміне әкелетін табиғи үрдіс. Қол жеткізген нәтижелеріне қарамастан, Асыл бұнымен тоқтап қалуды ойламайды және компанияны одан әрі дамытуды жоспарлап отыр.

Контакты: +7 778 111 5571 – Асыл

Instagram: @modul_groupkz

Сайт: www.modulgroup.kz