Ақтау қаласындағы TOO ATTLANVAKTAU клиникасы — адамдарға көмектесу ниетіне негізделген идеяның қалай табысты әрі сұранысқа ие бизнеске айналатынының жарқын үлгісі. Компанияның негізін қалаушы Агарзаева Шамсият Шарифқызы жобаны 2020 жылы небәрі екі қызметкермен және шамамен 2 млн теңге бастапқы капиталмен іске қосты. Негізгі мақсат — адамдарға омыртқа саулығын қалпына келтіруге көмектесіп, олардың белсенді әрі сапалы өмірге оралуына ықпал ету болды. Жұмыстың алғашқы күндерінен бастап қызмет сапасы мен клиенттердің сеніміне ерекше көңіл бөлінді. Уақыт өте келе клиника қарқынды дамып, бірнеше жыл ішінде қызметкерлер саны 12 адамға жетті, ал қанағаттанған пациенттер саны 10 000-нан асты. Дегенмен, бұл нәтижеге жету оңай болған жоқ: бастапқы кезеңде кәсіпкер қаржыландырудың жетіспеушілігі және клиенттерді тартудағы қиындықтарға тап болды. Дамудың маңызды кезеңдерінің бірі — «Даму» қоры тарапынан көрсетілген қолдау болды. Соның нәтижесінде компания 13,6% мөлшерлемемен несие бойынша пайыздық мөлшерлемені субсидиялау және кепілдік алды. Бұл клиникаға жеке ғимарат сатып алуға, қызмет аясын кеңейтуге және бизнесті жаңа деңгейге шығаруға мүмкіндік берді. Бүгінде ATTLANVAKTAU — омыртқаны емдеу және қалпына келтіру бағытында жұмыс істейтін, кәсіби мамандар мен тиімді әдістерді біріктірген заманауи клиника. Компания қызметінің негізінде «Алдымен құндылық — содан кейін ғана табыс» қағидаты жатыр. Бұл ұстаным клиенттермен ұзақ мерзімді сенімді қарым-қатынас орнатуға және қызмет сапасын жоғары деңгейде сақтауға мүмкіндік береді. Алдағы жылдары компания қызметін кеңейтіп, жаңа құрал-жабдықтар сатып алып, медициналық қызмет түрлерін арттыруды жоспарлап отыр. Бұл клиниканың тарихы — дұрыс көзқарас, табандылық және қолдау құралдарын тиімді пайдалану арқылы шағын бастаманың да үлкен жетістіктерге жеткізе алатынының дәлелі. Ең бастысы — бастауға қорықпау және өз ісіңе сену.

Маңғыстау облысы, Ақтау қаласы, 17 шағын аудан, 73 үй, нп 10
Байланыс нөмірі: +7 778 129 36 19
Әлеуметтік желі: @attlantvaktau