The Line Decor брендінің тарихы — өз ісіне деген шынайы сүйіспеншілік, әр бөлшекке ұқыптылықпен қарау және күнделікті табанды еңбектің интерьерлік текстиль саласындағы шағын бастаманы танымал брендке айналдыра алатынының жарқын мысалы.

Компанияның негізін қалаушы Айым Болатовна өз кәсібін ірі инвестициясыз әрі ауқымды өндіріссіз бастаған. Барлығы бірнеше тапсырыстан, жазбаларға толы блокноттан және әр клиент алдындағы үлкен жауапкершіліктен бастау алды. Алғашқы кезеңдерде ол нысандарға өздігінен барып өлшем жүргізіп, тігін жұмыстарының сапасын бақылап, маталарды іріктеп, ұйымдастыру мәселелерін шешіп, монтаж жұмыстарына да жеке қадағалау жасаған. Тапсырыстарды уақытында өткізу үшін цехта түнге дейін жұмыс істеген күндері де аз болмаған.

Уақыт өте келе шағын кәсіп интерьерлерді толықтай текстильдік безендіруге маманданған заманауи The Line Decor брендіне айналды. Бүгінде компания пәтерлерге, жеке үйлер мен коммерциялық нысандарға арналған кешенді шешімдерді ұсынып, перде, жалюзи, электркарниздер орнату және «ақылды үй» жүйелерін интеграциялау бағытында қызмет көрсетеді. Команда өз жұмысында тек эстетикаға ғана емес, технологиялық шешімдерге, дәлдікке және жоғары сервис сапасына ерекше мән береді.

Айым Болатовна үшін The Line Decor — жай ғана текстиль саласындағы бизнес емес. Бренд философиясының негізінде адамдар өзін жайлы, тыныш әрі үйлесімді сезінетін кеңістік қалыптастыру идеясы жатыр. Оның пікірінше, интерьердің жанды әрі жылы атмосферасын қалыптастыратын негізгі элементтердің бірі — текстиль. Дәл осы бөлшек үйге даралық пен ерекше көңіл-күй сыйлайды.

Қазіргі таңда компания клиенттерге толыққанды қызмет көрсетеді. Өлшем алудан бастап материалдарды таңдауға, монтаж және техникалық шешімдерге дейінгі барлық жұмыстарды кәсіби мамандар өз мойнына алады. Мұндай тәсіл тапсырыс берушілерге күрделі техникалық мәселелерге алаңдамай, дайын әрі әсем кеңістіктің жайлылығын сезінуге мүмкіндік береді.

Кәсіпкер үшін әр жобаның артында адам тағдыры мен жеке тарих жатқандығы ерекше маңызды. Біреу үшін бұл — алғашқы пәтер, енді бірі үшін — армандаған үй немесе өмірдің жаңа кезеңі. Сондықтан The Line Decor интерьердің тек көркемдігіне ғана емес, адамдарға сыйлайтын эмоциясы мен атмосферасына да айрықша көңіл бөледі.

Бизнесті одан әрі дамыту мақсатында кәсіпкер «Банк ЦентрКредит» АҚ-на қаржылай қолдау алу үшін жүгінді. «Даму» кәсіпкерлікті дамыту қоры» АҚ-ның мемлекеттік бағдарламалар аясындағы қолдауының нәтижесінде жоба бойынша пайыздық мөлшерлемені субсидиялау тетігі ұсынылып, кепілдік қамтамасыз ету жеткіліксіз болған жағдайда жаңа «Кепілдік қоры 1» бағдарламасы аясында кепілдік берілді. Бұл қолдау компания қызметін кеңейтуге, брендтің нарықтағы позициясын нығайтуға және жаңа даму мүмкіндіктерін жүзеге асыруға маңызды серпін берді.

Бүгінде The Line Decor өз дамуын сенімді түрде жалғастырып келеді. Компанияның басты ұстанымы өзгермейді — әдемі интерьер ғана емес, адамдар өмір сүргісі, армандағысы және өмірінің жаңа белестерін бастағысы келетін ерекше кеңістік қалыптастыру.

Байланыс:
Мекенжайы: Астана қаласы, Қабанбай батыр көшесі 58В, 5-корпус
Телефон: 77020003905
Instagram: @theline_decor