AmanAli-Servis компаниясы өз қызметін 2023 жылы бастады. Кәсіпорынның негізін қалаушы әрі директоры — Байтенов Аманжол Серікович. Бизнес алғашқыда 4 қызметкер және 14 станокпен жұмысын бастады. Өндірісті іске қосуға шамамен 10 миллион теңге инвестиция салынды. Жеке кәсіп ашуға деген шешім өндіріс саласында өзін сынап көру және өз бағытын дамыту ниетінен туындады. Бүгінде AmanAli-Servis бірегей сақтандыру бөлшектері мен құралдарын жасаумен айналысады. Компанияның сұранысқа ие өнімдерінің бірі — сақтандыру муфтасы. Бұл өнім кәсіпорынның өзіндік ерекшелігіне айналды. Компания өнім сапасына, сенімділікке және өндірістік процестерді тұрақты жетілдіруге ерекше көңіл бөледі. Бизнестің жас болғанына қарамастан, кәсіпорын бүгінде тұрақты өсім көрсетуде. Дамудағы маңызды қадамдардың бірі — қосымша станоктарды сатып алу болды. Бұл өндірістік мүмкіндіктерді арттыруға мүмкіндік берді. AmanAli-Servis жұмыс барысында өндірістік базасын кеңейтіп, нарықтағы өз орнын нығайтып келеді. Кәсіпорынның дамуына «Даму» қорының қолдауы үлкен үлес қосты. Компания «Өрлеу» бағдарламасы аясында жылдық 12,6% мөлшерлемемен жеңілдетілген несие алды. Алынған қаражат құрал-жабдықтар мен станоктар сатып алуға бағытталып, өндіріс көлемін ұлғайтуға және кәсіпорын жұмысының тиімділігін арттыруға мүмкіндік берді. Компанияның негізгі қызмет бағыты — өнеркәсіптік жабдықтарға арналған қосалқы бөлшектер, сақтандыру бөлшектері мен комплектілеуші өнімдер өндіру. Кәсіпорын негізінен тапсырыс және тендер арқылы жұмыс істейді. Болашақта компания сату нарығын кеңейтіп, өңірден тыс нарықтарға шығуды жоспарлап отыр. 2026 жылы AmanAli-Servis «Даму» қоры ұйымдастырған «Ұлттық өнім» отандық өндірушілердің жыл сайынғы көрмесіне қатысты. Көрмеде компания өз өнімдері мен өндірістік мүмкіндіктерін таныстырып, Маңғыстау облысының өндірістік әлеуетін лайықты деңгейде көрсетті. Компания басшысының айтуынша, кәсіпті енді бастап жатқан адамдарға берер басты кеңесі — нақты мақсат қойып, сол мақсатқа сенімді түрде қадам жасау. Бизнестегі маңызды сабақтардың бірі бөлшек диаметрін есептеу кезінде кеткен қателік болған. Бұл жағдай кейін үлкен тәжірибе жинауға және жұмыс сапасын жақсартуға көмектесті.

           AmanAli-Servis компаниясының басты ұстанымы — өз дағдыларын үнемі дамыту және жеткен жетістікпен тоқтап қалмау. Алдағы жылдары компания өндіріс көлемін ұлғайтып, құрал-жабдық санын көбейтіп, нарықтағы орнын нығайтуды жоспарлап отыр. «Кішкентайдан бастауға қорықпаңыз — үлкен жетістік үнемі дамып, алға ұмтылған адамдарға келеді».

Мекенжайы: Маңғыстау облысы, Ақтау қаласы, 29 шағынаудан, 24 ғимарат
Телефон: +7 702 666 99 70
Instagram: amanali_servis