menu

БАҒДАРЛАМАЛАР



Жабу

Жабу close

Кеңес ал!

Консалтинг компанияларын ұсыну

Жоба кәсіпкерлерге кәсіби консалтингтік қызметтер көрсету арқылы олардың жобаларын екінші деңгейдегі банктерде, лизингтік компанияларда және өзге де қаржы ұйымдарында мемлекеттік қолдау бағдарламалары аясында мақұлдау сатысына дейін сүйемелдеуге жәрдемдесуге бағытталған.

Жобаның мақсаттары: мемлекеттік қолдау шараларын алу кезінде ашықтық пен айқындықты қамтамасыз ету; кәсіпкерлердің консалтингтік қызметтерге жүгіну барысында адал емес тәжірибелердің алдын алу; тексерілген және білікті консалтингтік компаниялар тізімін қалыптастыру арқылы көрсетілетін қызметтердің сапасын арттыру.

Консалтингтік қызметтердің құны тараптармен жеке айқындалады — сұраныстың сипаты мен күрделілігіне, сұралатын қаржыландыру сомасына немесе жобаның жалпы құнына қарай белгіленеді — және келесі шекті мәндерден аспауға тиіс:

50 000 000 теңгеге дейінгі жобалар бойынша ₸ — 2%-ға дейін;
500 000 000 теңгеге дейінгі жобалар бойынша ₸ — 1%-ға дейін;
5 000 000 000 теңгеге дейінгі жобалар бойынша ₸ — 0,5%-ға дейін;
5 000 000 000 теңгеден жоғары жобалар бойынша ₸ — 0,3%-ға дейін.

«Даму» Кәсіпкерлікті дамыту қоры» АҚ бұл жобаны іске асыру барысында ешқандай қаржылық пайда алмайды.

Консалтингтік компаниялар үшін құжаттарды тапсыру тәртібі

1

Консалтингтік компания толық құжаттар пакетін аймақтық филиалға тапсырады.

2

Тексерулерден өткеннен кейін аймақтық филиал консалтингтік компанияның кеңсесіне барып тексеріс жүргізеді.

3

Талаптарға толық сәйкес келген жағдайда құжаттардың толық топтамасы Бас офиске жолданады.

4

Бас офис құжаттарды 15 жұмыс күніне дейін қарап, мәселені Қордың Уәкілетті органының қарауына шығарады.

5

Оң шешім қабылданған жағдайда аймақтық филиал 3 жұмыс күні ішінде компаниямен Меморандум жасасады.

6

Бас офис консалтингтік компания туралы ақпаратты «Даму» Қорының ресми сайтында жариялайды.

📄 «Даму» Кәсіпкерлікті дамыту қоры» АҚ-ның «Ұсынылатын консалтингтік компаниялар»....docx