Алаяқтық пен жемқорлыққа қарсы әрекет

«Даму» Кәсіпкерлікті дамыту қоры» АҚ (бұдан әрі – Қор) өзінің іскерлік беделіне үлкен мән береді және Қордан клиенттер мен серіктестер әділ, адал әрі бейтарап жұмыс пен мемлекеттік бизнесті қолдау бағдарламаларын тиімді жүзеге асыруды күтетінін толық түсінеді.

Қазақстан Республикасының заңнамасы талаптарын тиісті түрде орындау мақсатында Қорда комплаенс-тәуекелдерді басқару және сыбайлас жемқорлыққа қарсы іс-қимыл жүйесін ұйымдастыру үшін корпоративтік басқару жүйесінің бір бөлігі болып табылатын Сыбайлас жемқорлыққа қарсы комплаенс-қызметі құрылған.

Сыбайлас жемқорлыққа қарсы комплаенс-қызметінің негізгі міндеті – Қорда сыбайлас жемқорлыққа қарсы мәдениетті қалыптастыру, адалдық және жемқорлықты қабылдамау қағидаттарын енгізу. Осы бағытта комплаенс-қызметі Қор қызметкерлеріне түсіндіру іс-шараларын мен оқыту семинарларын өткізеді, сыбайлас жемқорлыққа қарсы заңнаманың сақталуын бақылайды, мүдделер қақтығысы мен сыйлықтарды беру/қабылдау мәселелерін реттейді, іскерлік этика кодексі нормаларының бұзылуы, сыбайлас жемқорлық немесе басқа да құқыққа қайшы әрекеттер туралы жеке және заңды тұлғалардың өтініштерін қарастырады, келіп түскен өтініштер бойынша қызметтік тексерулер жүргізеді және Қор басшылығын қызметкерлер тарапынан орын алған заңсыз әрекеттер туралы хабардар етеді.

Алаяқтық, сыбайлас жемқорлық және Қордың мүдделері мен беделіне зиян келтіруі мүмкін өзге де бұзушылықтардың алдын алу және анықтау мақсатында «Даму» кәсіпкерлікті дамыту қорында «Сенім желісі» ұйымдастырылған.

Әрбір келіп түскен хабарлама міндетті түрде тексеріледі. Құпиялылық пен анонимділік кепілдендіріледі. Егер сіз байланыс мәліметтеріңізді көрсетсеңіз, қарау нәтижелері бойынша міндетті түрде ақпарат беріледі.

Қор қызметкерлері, контрагенттері, сондай-ақ кез келген үшінші тұлғалар төмендегі құпиялылық пен анонимділікті қамтамасыз ететін байланыс арналары арқылы Сыбайлас жемқорлыққа қарсы комплаенс-қызметіне сыбайлас жемқорлық, алаяқтық немесе өзге де құқық бұзушылықтар туралы хабарлай алады:

• Хабарласу үшін
• senim@fund.kz
• +7(727) 244 82 71 немесе 1408 колл-орталық;
• AO5C9Y3, Қазақстан Республикасы, Алматы қаласы, Гоголь көшесі, 111.