Жабу
Кеңес ал!
Нұрғазинов Руслан Төлеубайұлының тарихы – мақсаткерлік, табандылық пен өз идеясына сенім табысты әрі көпсалалы бизнесті қалай құруға болатынының жарқын үлгісі.
Кәсіпкерлік жолын ол 2011 жылы жартылай фабрикаттар өндіретін жеке цех ашудан бастады. Бұл шағын, бірақ сенімді қадам оның іскерлік тарихының бастамасына айналды. Он жылдан кейін, 2021 жылы, Руслан Төлеубайұлы отбасылық «ZODIAK» моншасын сатып алып, кейін оны жаңа корпустар мен заманауи бассейн салып кеңейтіп, жаңғыртты. Жасаған инвестициялары, сауатты басқару мен клиент сұранысын терең түсінуінің арқасында монша кешені тез арада танымал болып, қала тұрғындары мен қонақтары үшін сұранысқа ие демалыс орнына айналды.
Сол жылдың соңында ол бизнестің жаңа бағытын көруге мүмкіндік алды — монша кешеніне іргелес аумақта екі қабатты коттедж сатылымға шығарылды. Тағы да батыл шешім қабылдаған Руслан Төлеубайұлы бұл жылжымайтын мүлікті қонақ үй ашу мақсатында сатып алды. Алдымен нақты формат пен тұжырымдаманы анықтап алғаннан кейін, ол егжей-тегжейлі бизнес-жоспар дайындауға кірісті.
Жоспар дайын болған соң кәсіпкер «Қазақстан Халық банкі» акционерлік қоғамына жүгініп, «Бизнес жол картасы – 2025» мемлекеттік бағдарламасы аясында несие алды. Несие бойынша жылдық пайыздық мөлшерлеме 14,5% болса, оның 6%-ын кәсіпкердің өзі төлейді, ал қалғанын «Даму» қоры субсидиялайды.
Осылайша «ARION» қонақ үйі пайда болды — ыңғайлы орналасқан, заманауи әрі жайлы орын. Жақын маңда саябақтар, скверлер, дүкендер мен дәмханалар орналасқан. Қонақтарды әрқашан жылы шырайлы және көмектесуге дайын қызметкерлер қарсы алады. Нөмірлердің барлығында — тазалық, жайлылық және қажеттінің бәрі қарастырылған. Қонақтардың қауіпсіздігі үшін күзетілетін автотұрақ пен бейнебақылау жүйесі бар. Қонақ үйдің басты мақсаты — әрбір мейманға барынша қолайлы жағдай жасау.
Руслан Нұрғазинов бүгінгі жетістіктерімен тоқтап қалмақ емес. Алда — жаңа ірі жобаны жүзеге асыру жоспары тұр: табиғат аясында отбасылық және корпоративтік демалысқа арналған демалыс базасын салу.
Оның табысының сыры қарапайым: табандылық, еңбек және даму жолында тәуекел етуге дайын болу.
Оның ұстанатын ұраны –
«Әр табысты істің бастауында бір кезде қабылданған батыл шешім жатады».
Ол әрбір адамға айтады — өз ісіңді бастауға қорықпа. Бастысы — кішіден бастау. Қалғаны – тек алға жылжу.
Нургазинов Руслан Толеубаевич ЖК
Жетекшісі: Нургазинов Руслан Толеубаевич
Байлыныс телефоны: +7 747 555 58 68
Мекенжайы: Абай облысы, Семей қ., Б.Момышұлы көш.45
Инстаграм: @arion.hotel.semey
