Тұрақты білім беру жобалары көбіне жеке таңдаудан, ішкі жауапкершіліктен бастау алады. Бұл – бір сәтте тек өз ісі үшін ғана емес, балаларының болашағы үшін де жауапкершілікті өз мойнына алуға бел буған адамның жолы. Осындай тағдырлы шешімнің нәтижесінде 2023 жылы Құралай Боранбайқызы Камелова негізін қалаған A SCHOOL білім беру орталығы дүниеге келді.

Құралайдың кәсіпкерлікке келуі кездейсоқ болған жоқ. Бұл жол – уақытпен, өмірлік тәжірибемен, бақылаумен және баланың өміріндегі білімнің маңызын терең сезінумен қалыптасты. Қызының өмірге келуі оның мектепке дейінгі білім беру жүйесіне деген көзқарасын түбегейлі өзгертті. Құралай үшін енді тек оқу бағдарламалары мен әдістемелер емес, баланың өзін қауіпсіз, еркін әрі естілгендей сезінетін ортасы маңызды болды. Сол сәтте ол шынайы білім беру баланың тұлғасын құрметтеуден басталатынын анық түсінді.

Дәл осы ішкі сенім A SCHOOL жобасының іргетасына айналды. Бұл – оқыту баланың жан-жақты дамуын көздейтін тұтас процесс ретінде қарастырылатын кеңістік. Құралай алғашқы күннен бастап тек негізін қалаушы ғана емес, барлық негізгі үдерістерге тікелей араласқан белсенді басшы болды: педагогтарды іріктеуден бастап, білім беру бағдарламаларын әзірлеуге, ата-аналармен тұрақты байланыс орнатуға дейін.

2023 жылы орталықтың ашылуы асығыс емес, мұқият ойластырылған қадам болды. Жоба екі қызметкермен және алты баламен басталып, бастапқы инвестиция шамамен 1 миллион теңгені құрады. Бұл кезеңде Құралай саннан бұрын сапаны таңдады – мықты әдістемелік және құндылық негіз қалыптастырды. Сол кездің өзінде A SCHOOL миссиясы айқын еді: сапалы білім, қамқорлық пен жеке тәсіл арқылы баланың зияткерлік әлеуетін дамыту.

Уақыт өте келе негізін қалаушының жеке философиясы бизнес үшін нақты бәсекелестік артықшылыққа айналды. Бүгінде A SCHOOL – қосымша және мектепке дейінгі білім беретін орталық, мұнда әрбір бағдарлама баланың жасына, жеке ерекшеліктеріне және эмоционалдық жағдайына бейімделеді. Құралайдың ұстанымы айқын: тұрақты нәтиже тек бала өзін қолдауда екенін сезініп, онымен шынайы қарым-қатынас орнаған жағдайда ғана мүмкін.

Орталық дамуының маңызды кезеңдерінің бірі – A CAMP қалалық лагерінің ашылуы болды. Бұл жоба да тәжірибеден және ата-аналардың балалар демалысын пайдалы әрі мазмұнды ұйымдастыруға деген сұранысынан туындады. Екі жылдың ішінде лагерь танымал брендке айналып, A SCHOOL экожүйесінің ажырамас бөлігі болды, қызмет аясын кеңейтіп, ата-аналардың сенімін нығайтты.

Орталықтың өсуі кезең-кезеңімен, жүйелі түрде жүзеге асты. Команда екі адамнан жеті қызметкерге дейін ұлғайып, көрсетілетін білім беру қызметтерінің спектрі кеңейді. Бұл үдерісте Құралайдың басқару стилі шешуші рөл атқарды: сапалы оқыту әдістерін енгізу, тиімді басқару жүйесін қалыптастыру, командамен тұрақты жұмыс және ата-аналарға арналған адалдық бағдарламаларын дамыту.

Көшбасшы ретінде Құралай күрделі шешімдерден қашқан емес. Ең үлкен сынақтардың қатарында алғашқы клиенттерді тарту мен мықты педагогикалық ұжым қалыптастыру болды. Бұл кезеңдер бақылауды күшейтуді, жүйелі жоспарлау кездесулерін және міндеттерді нақты бөлуді талап етті. Оның айтуынша, дәл осы басқарушылық сабақтар біртұтас команда құруға және күнделікті жұмыстағы күйзелісті азайтуға мүмкіндік берген.

Бүгінде Құралай A SCHOOL жобасын тек бизнес ретінде емес, әлеуметтік маңызы бар бастама ретінде қарастырады. Оның жетекшілігімен орталық серіктестік жобаларды жүзеге асырып, тұрақты қалалық лагерь ұйымдастырады, сондай-ақ балаларды ерте жастан экологиялық жауапкершілікке тәрбиелеу мақсатында ай сайын пластик жинауға арналған эко-лагерьлер өткізеді.

2025 жылы «Даму» кәсіпкерлікті дамыту қоры» АҚ - мен әріптестік орталықтың өсуіндегі маңызды кезеңге айналды. 1-Кепілдік қоры арқылы алынған кепілдік мектепке дейінгі стандарттарға сай жөндеу жұмыстарын жүргізуге және орталықты қажетті жабдықтармен толық қамтамасыз етуге мүмкіндік берді. Алдағы уақытта Құралай «Өрлеу» бағдарламасы аясында жеңілдетілген несие алуға өтініш беруді жоспарлап отыр, бұл жобаны кеңейтуге жаңа серпін береді. Қор қолдауы команданы күшейтіп, жақын уақытта қызметкерлер санын 14 адамға дейін арттыруға жол ашты.

Қазіргі таңда A SCHOOL 4 жастан 17 жасқа дейінгі балаларға қосымша және мектепке дейінгі білім беру қызметтерін ұсынады. Болашаққа көз тіккен Құралай инновацияны басты басымдық ретінде қарастырады. Алдағы бір-екі жылда нарықта баламасы жоқ жаңа білім беру бағдарламаларын енгізу, цифрлық шешімдерді дамыту және орталық желісін еліміздің өзге өңірлеріне кеңейту жоспарланып отыр.

Құралай Камелованың көшбасшылық философиясы бір қарапайым, бірақ терең қағидаға негізделген:

«Мектепті табысты басқару үшін балаларды шын жүректен сүю және әрқашан олардың мүддесі үшін әрекет ету қажет».

Дәл осы ұстаным жеке таңдаудан басталып, ұзақ мерзімді көзқарасы бар, тұрақты әрі мағыналы білім беру бизнесіне айналған A SCHOOL жобасының берік негізін қалады. 

Байланыс: Мекен-жайы: Астана қаласы, Төле би көшесі, 40

Телефон: +7‒700‒434‒97‒75

Instagram: @aschool_kz