Жабу
Ақтөбе облысының тұрғыны Ғалым Айтымбетов 2013 жылы Мұғалжар ауданындағы ауылдық округтерінің біріндегі гаражда шкаф жасауға кіріскен. Уақыт өте келе ол бизнеске айналып, бизнесі кіріс әкеле бастады. Аудан тұрғындары арасында тұрақты клиенттер пайда болды. Жасаған бұйымдарына деген сұраныстың қалай артып келе жатқанын көрген Ғалым өндірісін кеңейтпек болды.
Жобаға «Сбербанк» АҚ қолдау көрсетіп, несие мақұлдады. Қаржыны кәсіпкер Қандыағаш қаласының орталығындағы өндірістік цех пен дүкен ғимаратын жөндеуге жұмсады. Ғалым «Бизнестің жол картасы 2020» бағдарламасы аясында несиесін субсидиялап, Даму Қорының кепілдігін пайдаланды.
Қазір Ғалым өз ауданының табысты кәсіпкерінің қатарында. Ақтөбе облысындағы нарықтың негізгі үлесін «эконом» және «орташа эконом» санатты шкафтар алады. Алайда, арзан жиһазға тапсырыс берушілер де жоғары сапа мен ыңғайлы болғанын қалайды. Соңғы үлгідегі өңдеу және өндіріс технологияларының арқасында Ғалым сапалы өнімнің өзіндік құнын төмендетуге қол жеткізді. Шеберханада 10 адам жұмыспен қамтылды.
