Жабу
Кеңес ал!
Clover Clinic LLC тарихы – жай ғана жеке стоматологиялық клиниканың қалыптасу жолы емес. Бұл – мамандық атадан балаға ресми түрде емес, жүрек қалауы арқылы, еңбекке деген құрмет пен адам алдындағы жауапкершілік арқылы жалғасатын әулеттің шежіресі.
Клиниканың бастауында – дәрігерлер әулетінің төртінші буыны Наталья Вадимовна тұр. Оның отбасында хирургтер, гинекологтар, ота жасайтын дәрігерлер болған. Олар үшін медицина кәсіп қана емес, өмірлік миссия еді. Осы жолды оның қызы Диана Тұрмағамбетова жалғастырып, дәрігерлер әулетінің бесінші буынына айналды. Алайда жаңа буын тек дәстүрді сақтап қана қоймай, оны заманауи басқару тәсілдерімен ұштастыруды мақсат етті.
Наталья Вадимовна ұзақ жылдар бойы перзентханада стоматолог болып қызмет атқарды. Кейін медициналық орталықтағы жеке стоматологиялық кабинетін басқарды. Пациенттер сеніммен, ұсыныс арқылы келетін. Жылдар бойы қалыптасқан бедел мен тұрақты тәжірибе қарапайым дәптерге жазылған қабылдау кестесімен қатар жүрді. Бұл – сенімге негізделген, бірақ жаңғыруды қажет ететін модельдің көрінісі еді. Сол ортада Диана Турмагамбетова кәсіби тұрғыдан қалыптасты: әуелі ассистент, кейін стратег ретінде. Ол жоғары кәсібиліктің артында кеңейтуге лайық үлкен әлеует бар екенін айқын сезінді.
2015 жылы алғашқы трансформациялық қадам жасалды – клиника цифрлық кеңістікке шығып, әлеуметтік желілер арқылы пациенттерді тарта бастады. Бұл тек жарнама емес, көзқарастың өзгеруі болатын: шағын жеке кабинеттен ашық әрі заманауи медициналық брендке көшу.
2019 жылдың мамырында анасы мен қызы өз клиникаларын ашты. Екі кабинет, екі кресло және алғашқы кезеңде барлық міндетті қатар атқарған шағын ұжым. Осы қабырғалардың ішінде тек емдеу тәжірибесі емес, басқару мәдениеті де қалыптасты. Онлайн жазылу журналы, CRM жүйесі, IP-телефония енгізілді. Пациенттер жаңа деңгейдегі қызметке қол жеткізді, ал клиника ішінде сапаны бақылау мен айқындыққа негізделген жүйелі үдерістер құрылды.
2021 жылы даму кезеңі басталды: екінші филиал ашылып, кейін қызмет бір кең әрі ыңғайлы ғимаратқа шоғырландырылды. Алайда күтпеген сынақ туындады – жалдау ақысы 30 пайызға өсті. Бірнеше көшу, жөндеу жұмыстары, ұйымдастырушылық қиындықтар орын алды. Бұл уақыт кәсіпкерлік төзімділікті ғана емес, стратегиялық ойлауды да шыңдады. Тұрақты медициналық бизнес сыртқы факторларға тәуелді болмауы тиіс деген түбегейлі шешім қабылданды.
2023 жылы клиника өз ғимараты мен заманауи жабдықтарын сатып алу туралы маңызды қадам жасады. Осы мақсатта компания «Bereke Bank» АҚ (еншілес құрылымы – Lesha Bank LLC (Public)) арқылы қаржыландыру алып, «Даму» кәсіпкерлікті дамыту қоры» АҚ құралдарын – пайыздық мөлшерлемені субсидиялау мен кепілдендіру тетіктерін пайдаланды. Бұл қолдау коммерциялық ғимаратты және стоматологиялық қызметке қажетті заманауи жабдықтарды сатып алуға мүмкіндік беріп, клиниканың стратегиялық тәуелсіздігін қамтамасыз етті.
Бүгінде Clover Clinic өз иелігіндегі кеңістікте жұмыс істейді. Бұл – медициналық дәстүр мен технология үндескен, кәсіби командасы қалыптасқан, даму бағыты айқындалған орта.
Clover Clinic жобасы – ұрпақтар сабақтастығының, әйелдер серіктестігінің және отбасылық тәжірибені жүйелі әрі тұрақты бизнеске айналдырудың жарқын үлгісі. Бұл – мамандыққа адалдық пен стратегиялық пайым әулеттік мұраны болашаққа сенімді қадам басқан заманауи клиникаға айналдыра алатынын дәлелдейтін оқиға.
Астана қ., Александр Пушкин көшесі, 4-үй.
Телефон: +7‒778‒652‒69‒92
Сайт: nvclinic.kz
Instagram: @nv_clinic
