Жабу
Кеңес ал!
Барлығы ананың қарапайым алаңдаушылығынан басталды: қалалық мектепте баласын оқыту оған ыңғайсыз болды. Таңертең — асығыс, күндіз — сабақ, ал кешке — қала ішіндегі үйірмелерге тынымсыз қатысу. Уақыт жолда жоғалып, бала шаршайтын, ал отбасы үнемі «бәріне үлгеру» ырғағымен өмір сүретін. Сол кезде оның ойында: балалар бір жерде, толық күн бойы сапалы білім алып, жан-жақты дами алатын кеңістік неге құрмасқа? — деген идея пайда болды.
Екі жылдық дайындық, талдау және жоспарлаудан кейін бұл идеяны Кожаханова Гульмира Болатовна жүзеге асырды. Осылайша 0–4 сынып оқушыларына арналған инновациялық SARYN мектебі — білім беру орталығы ашылды.
Мектеп тұжырымдамасы басынан бастап екі негізгі қағидаға негізделді: ата-аналарға қолайлылық және балаларға сапалы білім беру. Оқу күні таңғы сағат 8:00-де басталады. Күннің бірінші жартысында негізгі сабақтар өтеді, олар қазақ және орыс сыныптары бойынша ұйымдастырылған — бүгінде 4 қазақ сыныбы және 5 орыс сыныбы жұмыс істейді. Түстен кейін балалар мектеп аумағынан шықпай-ақ үйірмелерге қатысады. Ал үй тапсырмалары педагогтердің бақылауымен, электронды оқулықтарды пайдалана отырып орындалады — кешке қарай бала сабақтан толық босайды. Мектептің бірегейлігі оның қаржылық моделінде де жатыр. Мұнда оқу тегін. Ата-аналар тек қосымша үйірмелерге — шахматқа, бал биіне, қытай тіліне ақы төлейді. Құны 89 000 теңгені құрайды, бұл күннің екінші жартысындағы баланың жан-жақты дамуын қамтамасыз етеді. Мектеп заманауи үлгідегі жиһаздармен жабдықталған: эргономикалық парталар, ыңғайлы орындықтар, функционалды шкафтар және сапалы тақталар. Педагогикалық құрам — мектептің басты құндылықтарының бірі. Мұнда жоғары біліктілік санатындағы, мол тәжірибесі бар және заманауи оқыту әдістемелерін меңгерген ұстаздар еңбек етеді.
«Qazaq Education Line» ЖШС 2025 жылы «Өрлеу» жеңілдетілген несиелеу бағдарламасына қатысуының нәтижесінде 359 600 000 теңге көлемінде «Bank RBK» АҚ арқылы қаржыландыру алып, бұрынғы ғимаратты қайта жаңғыртып, бастауыш мектепке арналған заманауи білім беру кеңістігін құруға және оны сапалы оқытуға қажетті барлық құрал-жабдықтармен қамтамасыз етуге мүмкіндік алды.
Бүгінде SARYN — жай ғана мектеп емес. Бұл — білім, даму және қамқорлық үйлесім тапқан балалық шақтың ойластырылған экожүйесі. SARYN — білім беру ыңғайлы болатын, ал балалық шақ бақытты болып қалатын мекен.
«Qazaq Education Line» ЖШС
Байланыс телефоны: +7 777 588 77 77
Мекенжайы: Абай облысы, Семей қ., Герцен көшесі, 13
Инстаграмм: @sim_semey
