Қазақстанның тамақ өнеркәсібі нарығында «Мұзды Тау» компаниясы нық орын алған. 2011 жылы Нұрәлі Оспанов негізін қалаған бұл кәсіпорын жұмысын шағын цех пен төрт адамнан тұратын командадан бастаған болатын. Идея өте қарапайым туындады: ол кезде балмұздақ нарығы бос дерлік еді, ал сапалы әрі қолжетімді өнімге деген сұраныс артып жатты. Бүгінде «Мұзды Тау» балмұздақтың 120-дан астам түрін (вафельді стақандар, эскимо және пластик қаптамадағы өнімдер) шығарады және сапа мен заманауи дизайнды ұштастыра отырып, 40-тан астам адамды жұмыспен қамтып отыр.

Табысқа жету жолы оңай болған жоқ. Қаржылық қиындықтарды, кадр тапшылығын және басқарудағы қателіктерді қадам-қадаммен еңсеруге тура келді. Дегенмен, компания тұрақты модель құрып, өндірісті кеңейтіп, нарықтағы позициясын нығайта алды. «Мұзды Тау» өнімдері Қазақстанның көптеген қалаларында сатылымда бар, ал алдағы жылдарға жоспарланған мақсат — өндіріс көлемін арттыру және ТМД елдерінің экспорттық нарықтарына шығу.

Өсімнің негізгі факторы — өндірісті жаңғырту және автоматтандырылған желіні іске қосу болды. Бұл өнім көлемін 40%-ға арттыруға және қызметкерлер санын 6-дан 40 адамға дейін көбейтуге мүмкіндік берді. Бұл ретте «Даму» қорының қолдауы маңызды рөл атқарды: компания ForteBank-тен 19,75% мөлшерлемесімен несие алды, оның 11,75%-ын Қор субсидиялады. Бұл қаржылық жүктемені азайтып, құрал-жабдықтар мен цехты кеңейтуге инвестиция салуға жол ашты.

Нұрәлі Әмірәліұлы ресурстарды сауатты бөлуге және командаға көңіл бөлуге кеңес береді: «Кішігірім істен бастап, идеяны қадам-қадаммен табысқа айналдырыңыз!» — бұл қағида «Мұзды Тау» компаниясының жүріп өткен жолын айқын көрсетеді.

Мекенжайы: Түркістан облысы, Түркістан қ., Ахметов С. көшесі, 21 үй.

Телефон: + 7 702 000 00 72

Instagram: @turkistan_balmuzdagy