«ViZaVi Company» ЖШС тарихы — шағын істен үлкен табысты өндіріс қалыптастыруға болатынын көрсететін жарқын мысал. Мұндай нәтижеге еңбекқорлық, табандылық және өз өніміне деген сүйіспеншілік арқылы қол жеткізуге болады.

Компания өз қызметін 2004 жылы бастады. Ол кезде барлығы шағын өндірістен және бастапқы капиталдың болмауынан басталған. Негізгі мақсат – тұтынушыларға табиғи ингредиенттерден дайындалған сапалы әрі дәмді үй кондитерлік өнімдерін ұсыну болды. Өз ісіне деген адал көзқарас пен өнім сапасына басымдық беру компанияның одан әрі дамуының берік негізіне айналды.

Алғашқы қадамдар небәрі 20 шаршы метр болатын шағын ғимаратта жасалды. Ресурстардың шектеулі болуына қарамастан, уақыт өте келе өнім түрлері көбейіп, тұрақты тұтынушылар қалыптаса бастады. Тұтынушылардың оң пікірлері мен сұраныстың артуының арқасында өндіріс біртіндеп кеңейе түсті.

Уақыт өте келе компанияның өзіне тән брендтік өнімдері пайда болды. Солардың бірі – тұтынушылар арасында кеңінен танымал болған карамельді чак-чак. Бұл өнім компанияның өзіндік визиттік карточкасына айналып, брендтің танымалдылығын арттыруға ықпал етті.

Компания кондитерлік өнімдердің кең ассортиментін өндіреді. Олардың қатарында бәліштер, печенье, чак-чак, пончиктер, рулеттер, пахлава, торттар және тұтынушылар арасында сұранысқа ие басқа да тәтті өнімдер бар.

Жыл сайын кәсіпорын дамып, өндірістік қуатын арттыра түсті. Бүгінде «ViZaVi Company» ЖШС жалпы аумағы шамамен 1200 шаршы метрді құрайтын екі өндірістік цехы бар кәсіпорынға айналды. Өнім түрлері бір атаудан шамамен 100 атауға дейін көбейді, ал қызметкерлер саны 180 адамға жетті.

Компания дамуының маңызды кезеңдерінің бірі – қызмет географиясын кеңейту және Қазақстанның түрлі өңірлерінде филиалдар ашу болды. Бұл өндіріс көлемін арттыруға, жеткізу жүйесін кеңейтуге және компания өнімдерін тұтынушылардың кең ауқымына қолжетімді етуге мүмкіндік берді.

Компания кәсіпкерлікті мемлекеттік қолдау шараларын белсенді пайдаланып келеді және бірнеше рет бизнесті қолдаудың мемлекеттік бағдарламаларына қатысқан. Атап айтқанда, 2025 жылы кәсіпорын «Даму» қорының қатысуымен жүзеге асырылатын «Өрлеу» жеңілдетілген несиелеу бағдарламасын пайдаланып, «Қазақстан Халық Банкі» АҚ арқылы жылдық 12,6 % мөлшерлемемен қаржыландыру алды. Алынған қаражатқа өндірістік цех үшін коммерциялық ғимарат сатып алынып, бұл компанияның өндірістік қуатын кеңейтуге мүмкіндік берді.

Бүгінде «ViZaVi Company» ЖШС өнімдері тұтынушылар арасында тұрақты сұранысқа ие және түрлі сауда нүктелерінде ұсынылған. Компанияның басты жетістігі – тұтынушылардың сенімі, өнім сапасының тұрақтылығы және кәсіпорын құндылықтарын бөлісетін кәсіби мамандардан құралған команда.

Алдағы уақытта компания өндірісті жаңғыртуды жалғастырып, өнім ассортиментін кеңейтуді, сапаны арттыруды және нарықтағы позициясын нығайтуды жоспарлап отыр. Сонымен қатар компания жұмысының басты қағидасы өзгеріссіз қалады — сапалы өнім жасап, тұтынушыларға қамқорлық көрсету.

Петропавл қ, Жамбыл би к-сі, 235

+7 702 599 1871

insta: @vizavicompany

Сайт: vizavi.kz