«METROLOG Company» ЖШС — метрология және өлшеу құралдарын өндіру саласында қарқынды дамып келе жатқан кәсіпорын. Компания 2019 жылдың ақпан айында құрылғанымен, оның ұжымы қызметін бастаған сәттен-ақ электронды таразыларға сервистік қызмет көрсету бойынша мол тәжірибеге ие болды. Бұл кәсіпорынның жоғары кәсіби деңгейін айқындады.

Алғашқы жылдардан бастап кәсіпорын техникалық базасын жүйелі түрде дамытып келеді. Калибрлеу гирьлері сатып алынып, соның негізінде жеке эталондық база қалыптастырылды, сондай-ақ өз зертханасын ашуға дайындық жұмыстары жүргізілді. Бұл қызмет сапасын арттыруға және жаңа бағыттарды игеруге мүмкіндік берді.

Компания дамуының маңызды кезеңі 2023 жыл болды. Осы жылы «METROLOG Company» ЖШС Ұлттық аккредиттеу орталығынан өлшеу құралдарын тексеру және калибрлеу құқығын беретін аккредиттеу аттестатын алды. Сонымен қатар, Техникалық реттеу және метрология комитеті компанияның өз өндірісіндегі таразыларына типті бекіту сертификатын берді.

Компания бұл жетістіктермен шектеліп қалмай, дамуын жалғастырды. 2024 жылғы 2 желтоқсанда METROLOG типіндегі автомобиль таразылары Қазақстан Республикасының Мемлекеттік өлшеу құралдары тізіліміне енгізіліп, өнім түрлері кеңейтілді.

Бүгінде «METROLOG Company» ЖШС өлшеу құралдарын өндірумен және қызмет көрсетумен қатар, кадрлық әлеуетті дамытуға да ерекше көңіл бөледі. Қызметкерлер саны жыл сайын артып, жас мамандарды даярлау және оқыту жұмыстары жүргізілуде.

Компанияның миссиясы — «Әрбір адамға сапа». Бұл ұстаным заманауи технологияларды енгізуге, өндіріс үдерістерін жетілдіруге және тұтынушыларға сенімді әрі дәл өнім ұсынуға бағытталған.

Компанияның дамуына «Даму» қорының қолдауы да айтарлықтай үлес қосты. «Өрлеу» бағдарламасы аясында 2025 жылы кәсіпорын «Қазақстан Халық Банкі» АҚ арқылы жеңілдетілген пайыздық мөлшерлемемен қаржыландыру алып, өндірістік цех пен кеңсе ғимараттарын жөндеуден өткізді. Бұл өз кезегінде өндірістік мүмкіндіктерді кеңейтіп, өнім сапасын арттыруға ықпал етті.

Кәсіпорынның басты мақсаты — Қазақстан нарығында өлшеу құралдарын өндіру, жеткізу, тексеру және калибрлеу саласында көшбасшы болу, жоғары сапа мен сенімділікті қамтамасыз ету.

Мекенжайы: БҚО, Орал қаласы, Желтоқсан көшесі ½, 33-кеңсе

Телефон: +7 (778) 061 02 01

Instagram: @vesy_kz

Веб-сайт: https://www.metrolog.pro/