«Ерасыл-2030» ЖШС — Шымкент қаласындағы ірі ұн өндіруші кәсіпорындардың бірі. Компания тұрақты өндірісті қамтамасыз етуге және өткізу нарығын кеңейтуге бағытталған. Кәсіпорынның тәуліктік қуаты 600 тоннаға дейін жетеді, бұл ішкі нарықтағы сұранысты толық қамтамасыз етіп қана қоймай, өнімді экспортқа шығаруға да мүмкіндік береді. «Тянь-Шань» сауда белгісімен шығарылатын ұнның жоғары, бірінші және екінші сұрыптары Шымкент, Алматы, Түркістан облыстарында, сондай-ақ Орталық Азия елдері мен Ауғанстанда кеңінен сұранысқа ие.

Кәсіпорын қызметіндегі негізгі басымдықтардың бірі — өнім сапасы. Осы мақсатта өндірісте заманауи зертхана жұмыс істейді, онда тәжірибелі мамандар шикізат пен дайын өнімге тұрақты бақылау жүргізеді. Сонымен қатар, компания фермерлік шаруашылықтармен тікелей жұмыс істеп, астықты өндірушілерден сатып алады. Бұл өз кезегінде шикізат сапасын арттырып, отандық ауыл шаруашылығын қолдауға ықпал етеді.

Өндірістік процесс жоғары тиімділік қағидаттарына негізделген: астық алдымен мұқият дайындықтан өткізіліп, кейін ұн тарту кезеңіне жіберіледі. Мұндай тәсіл өнімнің біркелкілігін және сапа тұрақтылығын қамтамасыз етеді. Кәсіпорын директоры Орынбасар Үсеновтің айтуынша, компанияның меншігінде заманауи диірмен кешендері, қойма терминалдары және өндірістік базалар бар. Бұл өндіріс пен логистиканы тиімді басқаруға мүмкіндік береді.

2022 жылы «Ұлттық жоба» аясында кәсіпорын қаржыландыруға қол жеткізді. Оның ішінде пайыздық мөлшерлеменің елеулі бөлігі «Даму» қоры тарапынан субсидияланады. Бұл өз кезегінде өндірісті жаңғыртуға және қуаттылықты арттыруға мүмкіндік берді. Ал 2025 жылы компания мемлекеттік қолдау құралдарын қайта пайдаланып, «Өрлеу» бағдарламасы аясында «Банк ЦентрКредит» АҚ арқылы айналым қаражатын толықтыруға қаржы тартты.

«Ерасыл-2030» ЖШС жыл бойы астықты ірі көлемде сатып алуға, оны қажетті сапа талаптарына дейін жеткізуге және біртекті ұн тарту партияларын қалыптастыруға мүмкіндігі бар. Бұл жоғары және бірінші сұрыпты наубайханалық бидай ұнын тұрақты әрі сапалы түрде өндіруге жол ашады.

Мекенжайы: Шымкент қаласы, Мұстафа Өзтүрік көшесі, 42А

Байланыс телефондары: +7 (7252) 53-10-31, +7 701 861 00 25