«Самади-2030» ЖШС — Ұлытау облысындағы табысты әрі тұрақты дамып келе жатқан ұн өндіруші кәсіпорын. Компания шағын көлемнен бастап, стратегиялық көзқарас пен өнімнің жоғары сапасының арқасында тұтынушылардың сеніміне тез ие болып, өндірістік қуаттарын кеңейтті.

2006 жылы кәсіпорында өндірістік ғимараттарға күрделі жөндеу жүргізіліп, «Ortash» компаниясының түрік диірмен жабдықтарын орнату тәулігіне 60 тонна астық өңдеу қуатымен өндірісті іске қосуға мүмкіндік берді. Уақыт өте келе өндірістік қуат екі есеге ұлғайып, қазіргі таңда кәсіпорын тәулігіне 120 тоннаға дейін астық өңдейді.

Компания өнімдерінің ассортиментіне жоғары және бірінші сұрыпты ұн, бидай кебегі және ұнтақ (мучка) кіреді. Бұл ретте өңделген астықтың шамамен 75%-ы дайын өнім шығаруға бағытталады. Тұрақты сапаны қамтамасыз ету мақсатында компания жергілікті шикізатты пайдалануға басымдық береді, атап айтқанда Ұлытау, Павлодар және Қостанай облыстарының фермерлерінен астық сатып алады. Бұл өнім сапасын арттырумен қатар, Қазақстандағы ауыл шаруашылығының дамуына да ықпал етеді.

Негізгі тұтынушылар — нан-тоқаш өнімдерін өндіруші кәсіпорындар, сондай-ақ Жезқазған, Сәтбаев қалаларының және Ұлытау ауданының тұрғындары. Сонымен қатар, өнім Оңтүстік Қазақстан, Қызылорда және Жамбыл облыстарының тұтынушыларына жеткізіледі. Жолға қойылған логистика мен жеке автопарктің болуы тұрақты жеткізілімдерді қамтамасыз етіп, сатып алушылармен ұзақ мерзімді серіктестік қатынастарды қалыптастыруға мүмкіндік береді.

Компанияны тәжірибелі басшы Ялдыз Тарык басқарады. Ол кәсіпорынның үздіксіз жұмысын қамтамасыз ететін кәсіби мамандардан құралған команда жасақтады. 2019 жылы Жезқазған қаласында нан өнімдері кешені сатып алынып, жаңғыртылды, бұл компания дамуының маңызды кезеңіне айналды. Заманауи технологиялар мен шешімдерді енгізу өндіріс тиімділігін едәуір арттырды.

Түрік диірмен жабдықтарының кең таралғанына қарамастан, «Самади-2030» әрбір өндіріс кезеңінде қатаң сапа бақылауына және өз командасының тәжірибесіне ерекше назар аударады. Жабдықтар тұрақты түрде жаңартылып отырады, бұл өнім сапасының жоғары деңгейін сақтауға және тозған бөлшектерді уақтылы ауыстыруға мүмкіндік береді.

2026 жылы айналым қаражатын толықтыру мақсатында компания «Аграрлық несие корпорациясы» АҚ-нан қаржыландыру алып, «Агроөнеркәсіптік кешендегі жобаларды кепілдендіру» бағдарламасы аясында «Даму» қорының қаржыландыру сомасының 85%-ы мөлшеріндегі кепілдігін пайдаланды.

«Самади-2030» ЖШС — сауатты басқару, сапаға деген жоғары талап және адам капиталына көңіл бөлу тіпті қатаң бәсекелестік жағдайында да табысқа жетуге мүмкіндік беретінінің жарқын үлгісі. Компания нарықтағы позициясын нығайтып, жергілікті экономиканың дамуына елеулі үлес қосып, тұтынушыларды жоғары сапалы өніммен қамтамасыз етуде.

Жезказган қ., Степная к-сі, 4.

Байланыс телефон: +7 (702) 643 99 99