Қазіргі заманғы қонақүй бизнесі тек қомақты инвестицияларды ғана емес, сонымен қатар батыл кәсіпкерлік көзқарасты талап етеді. Осындай тәсілдің жарқын мысалы ретінде Өскемен қаласында жүзеге асырылған ЖК «Садыков М.К.» жобасын атауға болады.

Кәсіпкердің мақсаты өңірдегі туристік және іскерлік инфрақұрылымның сапасын арттыруға қабілетті заманауи қонақүй кешенін құру болды.

Жобаны іске асыру нәтижесінде Өскемен қаласында заманауи MonoOtel Hotel қонақүй кешені ашылды. Қонақүй жалпы аумағы 8 500 шаршы метрді құрайтын жеті қабатты кешен болып табылады. Оның құрамына 46 жайлы нөмір, бассейн, конференц-зал және мейрамхана кіреді. Қонақтарға жоғары деңгейдегі сервис пен демалысқа және іскерлік іс-шараларды өткізуге арналған кең мүмкіндіктер ұсынылады.

Жобаны іске асыру үшін кәсіпкер 1,5 млрд теңге көлемінде қаржыландыру тартты. Мемлекет тарапынан да елеулі қолдау көрсетілді. «Даму» қорының қолдауымен жүзеге асырылатын «Өрлеу» жеңілдетілген несиелеу бағдарламасына қатысудың арқасында кәсіпкер тиімді шарттармен қаржыландыру алып, ауқымды инвестициялық жобаны табысты іске асырды.

2025 жылдың қыркүйегінде қонақүй кешенінің ашылуы өңір үшін маңызды оқиға болды. Жоба қаладағы қонақүй қызметтерінің сапасын арттырып қана қоймай, іскерлік және ішкі туризмнің дамуына да оң әсерін тигізді. Сонымен қатар, жобаны іске асыру нәтижесінде 40 жаңа жұмыс орны құрылып, қызмет көрсету саласының дамуына қосымша серпін берілді.

Бүгінде MonoOtel Hotel Өскемен қаласындағы заманауи қонақүй кешендерінің бірі болып табылады және Қазақстанның әр өңірінен, сондай-ақ шетелдерден келетін қонақтарды қабылдайды. Қонақүй іскерлік кездесулер, форумдар мен конференциялар өткізуге арналған заманауи алаңға, сондай-ақ туристер үшін жайлы демалыс орнына айналды.

ЖК «Садыков М.К.» тарихы кәсіпкерлік бастама, стратегиялық көзқарас және мемлекеттік қолдау тетіктерінің үйлесімі бизнесті дамытуға ғана емес, сонымен қатар өңір экономикасының өсуіне ықпал ететін ауқымды жобаларды табысты жүзеге асыруға мүмкіндік беретінін көрсетеді.

ЖК «Садыков М.К.»

Басшысы: Садыков М.К.

Мекенжайы: ШҚО, Өскемен қ., Пермитин көшесі, 33