YASSI компаниясының тарихы – батыл бастаманың, табанды еңбектің және мемлекеттік қолдаудың арқасында шағын бизнестің заманауи өндіріс орнына айнала алатынын дәлелдейтін жарқын мысал.

Компанияның негізін қалаушы Саид Бектаев кәсіпкерлік қызметін 2015 жылы жиһазды қайта сатудан бастады. Бірнеше жыл ішінде ол нарықты, тұтынушылардың сұранысын және жиһаз саласының ерекшеліктерін жан-жақты зерттеді. Алайда компанияның дамуындағы шешуші кезең 2020 жылы басталды.

Коронавирус пандемиясы кезінде жиһаз жеткізу іс жүзінде тоқтап қалды. Нарықтың қайта қалпына келуін күтудің орнына кәсіпкер стратегиялық шешім қабылдап, өз өндірісін іске қосты. Осылайша бүгінде отандық сапалы үстелдер мен орындықтар өндіретін YASSI компаниясы құрылды.

Шамамен 1 миллион теңге инвестициямен және небәрі екі адамнан тұратын ұжыммен жұмысын бастаған компания уақыт өте келе өндіріс көлемін ұлғайтып, технологияларын жетілдіріп, өнім сапасын арттырды. Дәл осы сапа YASSI компаниясының басты артықшылығына айналып, тұтынушылардың сеніміне ие болды.

Соңғы жылдары компания қарқынды дамып келеді. Қызметкерлер саны 2 адамнан 30 адамға дейін өссе, табыс көлемі шамамен он есеге артты. Дамудың маңызды кезеңдерінің бірі маркетплейстерге шығу болды. Бұл өнімді өткізудің географиясын айтарлықтай кеңейтуге мүмкіндік берді.

Табысты жолда кәсіпкер көптеген қиындықтарды еңсерді. Негізгі мәселелердің қатарында қаржы тапшылығы мен білікті мамандарды іздеу болды. Компанияның одан әрі дамуына «Даму» қорының мемлекеттік қолдау бағдарламалары зор ықпал етті.Пайыздық мөлшерлемені субсидиялау бағдарламасы мен несие бойынша берілген кепілдіктің арқасында кәсіпорын заманауи жабдықтарды, өндірістік станоктарды және «Газель» жүк көлігін сатып алды. Бұл өндірістік қуаттылықты едәуір арттыруға мүмкіндік берді.

Нәтижесінде мемлекеттік қолдау алғаннан кейін өндіріс көлемі үш есеге өсіп, кәсіпорын нарықтағы өз позициясын нығайтып, қарқынды дамуын жалғастырды.

Бүгінде YASSI өнімдері Қазақстанның түрлі қалаларында сатылып келеді. Компания ассортиментін кеңейтіп, өндіріс көлемін ұлғайтуды жалғастыруда. Сонымен қатар өзінің басты қағидатын – сапаны, адалдықты және клиенттердің сенімін сақтап келеді.

Алдағы екі жылда кәсіпорын толық циклді жиһаз фабрикасын іске қосуды, қызметкерлер санын 200 адамға дейін арттыруды және өнім ассортиментін одан әрі кеңейтуді мақсат етіп отыр.

Компанияның негізін қалаушының айтуынша, табысқа әрекет етуден қорықпайтын жандар ғана жетеді:

«Кішкентайдан бастауға қорықпаңыз. Егер күн сайын кешегіден жақсы болуға ұмтылсаңыз, үлкен жетістіктерге міндетті түрде жетесіз.»

YASSI компаниясының тарихы көрсеткендей, тіпті қиын кезеңдердің өзінде дағдарыс жаңа мүмкіндіктердің бастауына айналуы мүмкін. Ал мемлекеттік қолдау шараларын тиімді пайдалану кәсіпкерлерге өндірісті сенімді түрде дамытуға және Қазақстанда жаңа жұмыс орындарын құруға мүмкіндік береді.

Мекен-жайы: Ақмола облысы, Көкшетау қаласы, Осипенко көшесі, 2Б

Тел: +7 (701) 231 55 71

Instagram: @yassi.group