Компания өз қызметін 2017 жылы Қазақстанда импорттық өнімдермен бәсекеге түсе алатын жоғары сапалы тұрмыстық губкалар өндірісін жолға қою идеясымен бастады. Бүгінде Zere LLP ЖШС – «Ай-Зере» сауда белгісімен тұрмыстық губкалар шығаратын отандық өндірушілердің бірі. Кәсіпорын ыдыс жууға, ас үй мен жуынатын бөлмелерді тазалауға арналған губкалар, абразивті және әмбебап губкалар, сондай-ақ тапсырыс берушілердің жеке сауда белгілерімен шығарылатын өнімдерді өндіреді. Компанияның өнім түрлері шамамен 15 атаудан тұрады және олар Қазақстанның сауда желілерінде кеңінен ұсынылған.

Компания қызметінің алғашқы күнінен бастап өндірілетін өнімнің сапасы басты басымдықтардың бірі болды. Өндіріс шикізатты өңдеуден бастап дайын өнімді шығаруға және қаптауға дейінгі толық өндірістік цикл бойынша ұйымдастырылған. Бұл әрбір кезеңде өнім сапасын бақылауға және нарықтың сұранысына жедел жауап беруге мүмкіндік береді. Технологияларды үнемі жетілдіру және өндірістік қуаттарды кеңейту кәсіпорынның отандық өндіруші ретіндегі ұстанымын нығайтуға ықпал етуде.

Даму мен жаңашылдыққа ұмтылыс кәсіпорынның одан әрі өсуінің негізіне айналды. Әртүрлі кезеңдерде компания өндірісті жаңғыртуға инвестиция салып отырды. 2026 жылдың наурыз айында «1 Кепілдік қоры»  кепілдік бағдарламасы аясында және «Банк ЦентрКредит» АҚ-ның қаржылық қолдауымен заманауи өндірістік жабдық сатып алынды. Жобаны іске асыру өндіріс өнімділігін арттыруға, өндірістік мүмкіндіктерді кеңейтуге және өнім шығару көлемін одан әрі ұлғайтуға берік негіз қалады.

Бүгінде Zere LLP ЖШС отандық өндірісті дамыту жұмысын жалғастырып, Қазақстан нарығындағы «Ай-Зере» брендінің позициясын нығайтып келеді. Компания тәжірибесі кәсіпкерлікті мемлекеттік қолдаудың өндірісті жаңғыртуға, кәсіпорындардың бәсекеге қабілеттілігін арттыруға және елдің өңдеу өнеркәсібін дамытуға оң ықпал ететінін дәлелдейді.

Мекенжайы: Ақтөбе қаласы, 41-разъезд, 544

Байланыс телефоны: +7 705 225 0970

Сайт: ai-zere.kz