«Каолин» қыш шеберханасы – Ақтау қаласындағы авторлық керамика өндірумен айналысатын алғашқы кәсіпорындардың бірі. Бүгінде шеберханада кәдесый өнімдері, интерьерлік керамика және үйлерді, мейрамханаларды безендіруге арналған авторлық ыдыстар дайындалады. Шеберхананың негізін қалаушы Нұрмұханов Асхат Асқарұлы 2009 жылы Сәндік-қолданбалы өнер колледжін тәмамдаған. Білім мен тәжірибе оны керамика саласын дамытуға және өз өндірісін ашуға жетеледі. 2017 жылы кәсіпкер шамамен 4–5 млн теңге инвестиция құйып, Ақтау қаласында шағын қыш шеберханасын ашты. Осылайша бүгінде Маңғыстау облысындағы танымал керамика өндірушілердің біріне айналған «Каолин» шеберханасының тарихы басталды. Алғашқы айлар оңай болған жоқ. Дегенмен арада алты ай өткен соң шеберхана мейрамханаларға арналған керамикалық ыдыстарды дайындау бойынша алғашқы ірі тапсырыстарын қабылдай бастады. Ол кезде өңірде мұндай өндіріс орындары өте аз болғандықтан, «Каолин» өз орнын қалыптастырып, көпшілікке танымал брендке айналды. Жылдар өте кәсіпорын айтарлықтай дамыды. Табысы артты, ұжымы кеңейді – бүгінде шеберханада алғашқы кезеңмен салыстырғанда бес қызметкерге артық жұмыс істейді. Бизнестің өсуімен қатар бәсекелестік те күшейді. Алайда бұл өндірісті жетілдіруге және өнім сапасын арттыруға қосымша серпін берді. Кәсіпкер үшін ең үлкен қиындықтардың бірі өндіріске лайықты ғимарат табу және сапалы шикізатпен қамтамасыз ету болды. Соған қарамастан, компания өндірісті іске қосып, қуаттылығын арттырып, оны кеңейтуге қол жеткізді.

Кәсіпорынның дамуындағы маңызды кезеңдердің бірі – «Даму» кәсіпкерлікті дамыту қорының қолдауы болды. «Өрлеу» бағдарламасы аясында көрсетілген қолдаудың арқасында кәсіпорын қажетті жабдықтарды сатып алып, өндірістік қуатын ұлғайтты. Соның нәтижесінде өнім шығару көлемі екі есеге жуық артты. Компания көрмелерге, жәрмеңкелерге және шығармашылық іс-шараларға белсенді қатысады. 2022 жылы кәсіпорын негізін қалаушы керамика өнерін дамытуға арналған симпозиумды өз бетінше ұйымдастырды. Ал 2026 жылы «Каолин» өз өнімдерін отандық өндірушілердің үздік тауарлары ұсынылған «Ұлттық өнім» көрмесінде таныстырды.

Алдағы жылдары «Каолин» шеберханасы сату нарығын кеңейтіп, өндіріс көлемін ұлғайтуды және өңірден тыс нарықтарға шығуды жоспарлап отыр. Кәсіпорын негізін қалаушының пікірінше, жетістікке батыл қадам жасап, үнемі дамуға ұмтылған адам ғана жетеді.

     «Бизнестегі ең бастысы – сабыр, үздіксіз даму және тәуекелге саналы түрде бара білу. Әрбір қателік дұрыс қорытынды жасай білсеңіз, баға жетпес тәжірибеге айналады.»

Мекенжайы: Маңғыстау облысы, Ақтау қаласы, 28а шағын ауданы, 21/1 ғимараты.

Байланыс телефоны: +7 701 425 25 25

Әлеуметтік желі: @kaolin_aktau