Сіз өз қалаңыздағы көшелердің, тас жолдардың және өнеркәсіптік нысандардың жарықтандырылуына кімнің үлес қосатынын ойлап көрдіңіз бе? Күнделікті көріп жүрген кешкі жарықтың артында мыңдаған жарықтандыру тіректері тұр. Солардың көпшілігін қарағандылық «Karadel Mechanics» ЖШС кәсіпорны өндіреді. Бүгінде компанияның өнімдері Қазақстанның барлық өңірлеріне жеткізіледі.

«Karadel Mechanics» ЖШС — құрылыс, өнеркәсіп, энергетика және басқа да салаларға арналған металл конструкцияларды өндіретін Қазақстандағы жетекші кәсіпорындардың бірі. Компания жобалаудан және инженерлік есептеулерден бастап, өндіріс, сапаны бақылау және дайын өнімді тапсырыс берушіге жеткізуге дейінгі толық өндірістік циклді жүзеге асырады.

Бүгінде кәсіпорын 500 кВ-қа дейінгі электр беру желілеріне арналған тіректер мен металл конструкцияларды, сондай-ақ қырлы және дөңгелек конусты жарықтандыру тіректерін шығарады. Бұл өнімдер еліміз бойынша ірі инфрақұрылымдық, энергетикалық және құрылыс жобаларын жүзеге асыруда кеңінен қолданылады.

Компанияның 10 000 шаршы метрден астам өндірістік алаңы заманауи жабдықтармен жабдықталған. Өндіріс қуаты айына 1 000 тоннаға дейін металл конструкциялар шығаруға мүмкіндік береді. Осының арқасында кәсіпорын кез келген күрделіліктегі жобаларды жүзеге асырып, Қарағандыда өндірілген өнімдерін Қазақстандағы өнеркәсіптік, инфрақұрылымдық және азаматтық нысандарға жеткізеді, сондай-ақ жақын шетел нарығына шығарады.

Компания үшін өнім сапасы — басты басымдықтардың бірі. Өндірістің әр кезеңінде қатаң бақылау жүргізіліп, сертификатталған материалдар мен заманауи технологиялар қолданылады. Бұл дайын өнімнің беріктігі мен ұзақ қызмет етуін қамтамасыз етеді.

Кәсіпорынның дамуында мемлекеттік қолдаудың да маңызы зор болды. 2025 жылы компания «Қазақстан Халық Банкі» АҚ арқылы жүзеге асырылатын «Өрлеу» бағдарламасының қатысушысы атанды. Кепілдік қамтамасыз ету жеткіліксіз болған жағдайда кәсіпорын «Кепілдік қоры 1» бағдарламасы аясында Қордың кепілдігін пайдаланды. Бұл өндірісті жаңғыртуды жалғастыруға және компанияның мүмкіндіктерін кеңейтуге мүмкіндік берді.

— «Біздің міндетіміз — заманауи өнеркәсіптік және құрылыс нысандарының негізіне айналатын сенімді металл конструкциялар жасау. Біз әрбір клиент үшін сапа, жауапкершілік және заманауи инженерлік шешімдерді ұсына отырып, ұзақ мерзімді серіктес болуға ұмтыламыз», — дейді «Karadel Mechanics» ЖШС өкілдері.

Бүгінде «Karadel Mechanics» ЖШС нарықтағы өз орнын нығайтып, ірі жобаларды жүзеге асыруға қатысып, Қазақстан өнеркәсібінің дамуына өз үлесін қосып келеді. Компания қалалар, кәсіпорындар және энергетикалық нысандарды өз өндірісінде шығарылған сенімді металл конструкциялармен қамтамасыз етеді. 

Байланыс:

Мекенжайы: Қарағанды облысы, Қарағанды қаласы, 018-ші есептік квартал, 226-құрылыс

Телефон: +7 (775) 073 04 00

Сайт: https://karadel.kz/

Instagram: @karadel_group