Қызылорда облысында және одан тыс жерлерде «Шырақ» клиникасы сапалы офтальмологиялық қызмет көрсететін медициналық орталық ретінде кеңінен танымал. Жоғары санатты офтальмолог дәрігер Дина Сүлейменованың жетекшілігімен клиника 10 жылдан астам уақыт бойы өңір тұрғындарының көру қабілетін сақтауға және қалпына келтіруге өз үлесін қосып келеді. Бұл жылдар ішінде жоғары кәсібилік пен заманауи технологияларды ұштастыра отырып, халыққа сапалы медициналық көмек көрсетіп келеді.

Бүгінде «Шырақ» – өңірдегі офтальмологиялық диагностиканың барлық түрін ұсынатын бірегей клиника. Мұнда көру жітілігі мен рефракцияны субъективті және объективті зерттеу, қасаң қабықты тексеру, көздің алдыңғы бөлігінің биомикроскопиясы және басқа да көптеген диагностикалық қызметтер заманауи медициналық жабдықтардың көмегімен жүргізіледі. Соның нәтижесінде Қызылорда облысының тұрғындары өңірден шықпай-ақ дәл диагностика мен жоғары сапалы ем ала алады.

Орталықтың дамуындағы маңызды кезеңдердің бірі – 2022 жыл болды. «Шырақ» офтальмологиялық орталығы» ЖШС «Ұлттық кәсіпкерлікті дамыту жобасы 2021–2025 жылдарға арналған» мемлекеттік бағдарламасы аясында «Даму» қорының пайыздық мөлшерлемені субсидиялау қолдауымен «Банк ЦентрКредит» АҚ арқылы клиника ғимаратын салуға қаржыландыру алды.

Бүгінде жаңа клиника толыққанды жұмыс істеп тұр. Кең әрі жайлы кабинеттер, пациенттерге қолайлы жағдайлар және заманауи медициналық жабдықтар қызмет сапасын жаңа деңгейге көтеруге мүмкіндік берді. Клиниканың кеңеюі өңірдің медициналық инфрақұрылымын дамытуға үлес қосып қана қоймай, жоғары технологиялық офтальмологиялық көмекті Қызылорда облысының тұрғындары үшін бұрынғыдан да қолжетімді етті.

«Шырақ» орталығының табыс тарихы – кәсібилік, үздіксіз даму және мемлекеттік қолдаудың арқасында заманауи медициналық мекеме қалыптастырып, халықтың өмір сүру сапасын арттыруға және отандық денсаулық сақтау саласының дамуына үлес қосудың жарқын үлгісі.

Мекен-жайы: Қызылорда қаласы, Сүлейменов көшесі, 55

тел: 8 (705) 958 00 28 инстаграм: klinika_shyrak

Instagram: @klinika_shyrak