«Даму» кәсіпкерлікті дамыту қоры» АҚ және «ККРО – Кәсіпкерлерге көмек көрсету жөніндегі республикалық орталық» ЖШС ынтымақтастық туралы Меморандумға қол қойды. Құжатқа «Даму» қорының Басқарма Төрағасының орынбасары Мұрат Бапаев және ККРО директоры Дмитрий Казанцев қол қойды.
Ынтымақтастық кәсіпкерлердің салықтық сауаттылығын арттыруға, салық салу және салықтық әкімшілендіру мәселелері бойынша құзыреттерін дамытуға, салықтық тәуекелдерді төмендетуге және бизнестің қаржылық тұрақтылығын арттыруға бағытталған.
Меморандум аясында тараптар бірлескен семинарлар, вебинарлар, дөңгелек үстелдер мен оқыту іс-шараларын өткізуді, ақпараттық және әдістемелік материалдар әзірлеуді, сондай-ақ кәсіпкерлерге салық заңнамасын қолдану мәселелері бойынша сараптамалық қолдау көрсетуді жоспарлап отыр.
Ынтымақтастықтың жеке бағыты бизнесті қолдау және сүйемелдеу орталығы аясындағы өзара іс-қимыл болмақ. Бұл ынтымақтастық кәсіпкерлердің практикалық білім мен сараптамалық қолдауға қолжетімділігін кеңейтіп, Қазақстандағы шағын және орта бизнестің тұрақты дамуына қосымша құрал болады.