«Beibars Bottlers» ЖШС тарихы сусындар мен шырындарды дистрибуциялау бағытын дамытудан басталды. Сату көлемін арттыруға және бизнестің мүмкіндіктерін кеңейтуге деген ұмтылыс компания дамуының келесі маңызды кезеңіне — заманауи жеке өндіріс құруға негіз болды.

2025 жылы Түркістан облысында халықаралық RC Cola брендімен өнім шығаратын алкогольсіз сусындар мен ауыз су өндіретін зауыт іске қосылды. Кәсіпорынның өндірістік қуаты жылына 90–120 млн литрді құрайды. Жеке өндірісті іске қосу компания дамуының негізгі қадамы болып, дистрибуциядан өз өнімдерін өндіруге көшуге мүмкіндік берді.

Бүгінде «Beibars Bottlers» — дистрибьюторлық компания ғана емес, сонымен қатар заманауи өндірістік кәсіпорын. Өндіріс іске қосылған кезде компанияда 53 қызметкер болса, бүгінде олардың саны 105-ке жетті. Өнімдер супермаркеттерде, үй жанындағы дүкендерде, кафелер мен мейрамханаларда ұсынылады, сондай-ақ Қырғыз Республикасына экспортталады. Компанияның басты жетістіктерінің бірі — тұрақты клиенттік базаның қалыптасуы.

Жеке өндірісті құру жабдықтарды сатып алудан бастап, өндірістік процестерді жолға қоюға және команданы қалыптастыруға дейін айтарлықтай күш-жігерді талап етті. Жобаны дамытуда «Даму» қорының ҚРҮҚ шеңберіндегі «ШОБ-ты қолдау» бағыты бойынша «Сыйақы мөлшерлемесінің бір бөлігін субсидиялау» бағдарламасы маңызды рөл атқарды. Қордың қолдауының арқасында компания қаржылық жүктемені азайтып, қаражатты жабдық сатып алуға және айналым қаражатын толықтыруға бағыттай алды. Бұл өндірісті одан әрі дамытуға жағдай жасады.

Бүгінде компанияның жетекшісі Әбдіхалық Ерғали Мәлікұлы өз жұмысының басты нәтижесі ретінде жеке өндірістің іске қосылуын ғана емес, мықты команданың құрылуын, тұрақты клиенттік базаның қалыптасуын және экспорттық нарыққа шығуды атап өтеді. Алдағы 1–2 жылда компания жаңа өндірістік қуаттарды іске қосып, шығарылатын өнім ассортиментін кеңейтуді жоспарлап отыр. «Мықты команда — мықты бизнестің негізі», — деп атап өтті Әбдіхалық Ерғали Мәлікұлы.

Мекенжайы: Түркістан облысы, Түлкібас ауданы, Кемербастау ауылдық округі, Кемербастау ауылы, 58-орам, 1574 ғимарат.

Телефон: +7 701 556 37 80

Instagram: @rccola_kaz