2019 жылы Татьяна Львовна Ким екі жасар ұлына «аутизм» диагнозы қойылған кезде өміріндегі үлкен сынаққа тап болды. Өз өңірінде кешенді көмек пен білікті диагностиктердің жетіспейтінін түсінген ол арнайы мекемені өз күшімен ашуға шешім қабылдады. Ол орталықты тек өз баласына ғана емес, басқа да балаларға көмектесу үшін ашты.

Осылайша жетістіктер тарихы ерекше баланың анасы бастаған шағын отбасылық бастамадан басталып, көп ұзамай жүйелі әрі ауқымды бизнеске айналды.

Бизнесті дамытудағы маңызды қадамдардың бірі — құрылымды «Zhas Urpaq Aktobe» бірыңғай брендімен мамандандырылған бағыттардың тұтас желісіне дейін кеңейту және бизнесті жаңа деңгейге шығару үшін сыртқы қаржыландыру тарту болды.

Бүгінде орталық құрамында 4 мамандандырылған бағыт табысты жұмыс істейді: Jas Urpaq Kids (ерте дамыту), Jas Urpaq Junior (мектепке дайындық және жасөспірімдермен жұмыс), Jas Urpaq Group және Jas Urpaq Eventum.

Жаңа орталық ашуға «Даму» қоры қолдау көрсетті. Ұлттық кәсіпкерлікті дамыту жобасы аясында бизнес Банк ЦентрКредиттен қолжетімді несие алды.

Саланың негізгі мәселелерінің бірі — білікті мамандардың тапшылығын еңсеру мақсатында Татьяна Ким халықаралық сарапшыларды, соның ішінде Польша мамандарын тарта отырып, команда мүшелерін кәсіби даярлау және сертификаттау жүйесін қалыптастырды.

Компанияның өсуі оның командасынан да айқын көрінеді: бизнестің алғашқы кезеңінде жобада небәрі 7 қызметкер жұмыс істесе, бүгінде штат саны 60 адамға дейін өсті.

Орталықтардың ерекшелігі — балалар мен жасөспірімдерге көрсетілетін қызметтердің кешенді әрі үздіксіз ұйымдастырылуында. Жоба тек жекелеген қызметтерді көрсетіп қана қоймай, менталдық ерекшеліктері бар балалар мен жасөспірімдер үшін ерте дамудан бастап кәсіби бағдарға және әлеуметтенуге дейінгі толыққанды өмірлік экожүйені қалыптастырады.

Орталықтарда ғылыми негізделген әдістемелердің толық кешені бір жерде ұсынылады: ABA-терапиясы, сенсорлық интеграция, нейрокоррекция, емдік дене шынықтыру (ЛФК), логопед, дефектолог және психолог мамандарының сабақтары. Сонымен қатар әдістемелердің сапасын бағалау және жетілдіру мақсатында орталықтар Германия және басқа да елдерден халықаралық сарапшыларды тұрақты түрде тартады.

Компанияның алдағы 1–2 жылға арналған жоспарларында айына 60 балаға дейін қызмет көрсете алатын толық қуатқа шығу, еңбек шеберханаларын, оның ішінде қалалық фермерлікті (сити-фермерлік) дамыту, Urpaq Inclusive қорын нығайту және ерекше баланың ересек өмірде барынша дербес болуына мүмкіндік беретін жүйені одан әрі қалыптастыру бар.

Татьяна Кимнің басқа кәсіпкерлерге шабыт беретін басты ұстанымы: «Әлеуметтік бизнес нақты математикалық есептің артында адамдарға көмектесуге деген шынайы ниет тұрған кезде ғана өркендейді».

Ақтөбе қаласындағы филиалдардың мекенжайлары мен бағыттары:

• Звёздная көшесі, 39 — Jas Urpaq Kids (ерте дамыту және негізгі дағдыларды қалыптастыру).
• Балалар көшесі, 36 — Eventum Junior / Jas Urpaq Kids (мектепке дайындық және жасөспірімдерге арналған оқыту).
• Звёздная көшесі, 35 — Jas Urpaq Group (толық күн болатын орталық).
• Балалар көшесі, 21 — Eventum (сағаттық сабақтар).

Байланыс телефоны: +7 776 750 44 66

Instagram: https://www.instagram.com/jasurpaq_eventum/