«Строймир» ЖК: шағын шеберханадан тротуар плиталары мен жиектастар өндіретін заманауи кәсіпорынға дейін

2021 жылдан бастап «Строймир» жеке кәсіпкерлігі «Stroi Mir» брендімен керамикалық жабындар мен тротуар плиталарын өндіру саласында табысты қызмет атқарып келеді. Өндірістік қызметтен бөлек, компания Атырау қаласында, соның ішінде «Дина» және «Жібек Жолы» құрылыс базарларында өнімдерін көтерме және бөлшек сауда арқылы өткізумен айналысады. Сонымен қатар сатып алушыларға ыңғайлы болу үшін жеткізу қызметі де қарастырылған.

Компанияның қалыптасу тарихы практикалық тәжірибе мен жеке кәсіпкерлік идеясын жүзеге асыруға деген ұмтылыстан бастау алды.

«Строймир» ЖК басшысы Мәди Раматулаев атап өткендей:

«Өз кәсібімді ашқанға дейін құрылыс компанияларының бірінде брусчатка мен балясин төсеуші болып жұмыс істедім. Дәл сол жерде өндірістік үдерістермен танысып, қажетті кәсіби дағдыларды меңгердім және кейіннен өз арманымды жүзеге асыруға, яғни жеке өндірісімді ашуға көмектескен тәжірибе жинақтадым. Алғашында үш адамнан тұратын шағын командамен бастадық, ал бүгінде компанияда 20 білікті маман еңбек етеді».

Бүгінде «Строймир» ЖК өндірістік бағытын одан әрі дамытып, брусчатка өндірудің жаңа технологияларын енгізіп, шығарылатын өнім түрлерін кеңейтуді жалғастыруда. Компания өнім ассортиментін 50 атауға дейін жеткізуді жоспарлап отыр. Кәсіпорынның өндірістік қуаты тәулігіне 300 шаршы метрге дейін өнім шығаруға мүмкіндік береді.

Өндіріс барысында бұйымдардың сапасына, беріктігіне және ұзақ мерзімді пайдалануға жарамдылығына ерекше көңіл бөлінеді. Бұл сипаттамалар қала аумақтарын абаттандыруда, жаяу жүргіншілер аймақтарын, аулаларды, кіреберіс жолдарды және басқа да инфрақұрылым нысандарын жайластыруда маңызды рөл атқарады.

Сапалы тротуар плиталары мен сыртқы керамикалық жабындар механикалық жүктемелерге, температураның күрт өзгеруіне және қоршаған ортаның әсеріне жоғары төзімді болуы тиіс. Олар қарқынды пайдалану жағдайында, соның ішінде жеңіл және жүк көліктері жүретін аумақтарда да өздерінің пайдалану сипаттамаларын сақтауы қажет.

Сондай-ақ суды тиімді бұру мәселесі де маңызды факторлардың бірі болып табылады. Дұрыс жобаланып, сапалы төселген жабын тиісті түрде ұйымдастырылған дренаж жүйесімен үйлескен жағдайда жаңбыр және еріген қар суларын ғимараттардан алыстатуға мүмкіндік береді. Бұл іргетастың шайылу және жертөле бөлмелерінде ылғалдың жиналу қаупін азайтады.

Кәсіпорынның дамуындағы маңызды кезеңдердің бірі «Іскер Аймақ» субсидиялау бағдарламасына қатысуы болды. Бағдарлама аясында «Строймир» ЖК «Банк ЦентрКредит» АҚ арқылы айналым қаражатын толықтыруға қаржылық қолдау алды. Көрсетілген қолдау кәсіпорынның қаржылық мүмкіндіктерін нығайтуға және өндірісті одан әрі дамытуға қажетті жағдай жасауға бағытталған.

Бүгінде «Строймир» ЖК — кәсіби тәжірибе, кәсіпкерлік бастама және жүйелі еңбек жеке өндірісті дамытуға, жаңа жұмыс орындарын ашуға және өңірдің құрылыс саласының дамуына үлес қосуға мүмкіндік беретінінің айқын үлгісі.

Мекенжайы: Атырау қаласы, Водников шағын ауданы, 7-көше, 11-үй

Байланыс телефоны: +7 702 241 02 07

Instagram: @Atyrau_brushatka