Балабақшадан арман мектебіне: балалармен жұмыс тәжірибесі AL-FARABI STEM Academy ашуға көмектесті

Күн сайын балалармен жұмыс істегенде, уақыт өте келе сырттан көрінбейтін нәрсені байқай бастайсың.

Алмаз Алмұхамбетов 2015 жылдан бері Талдықорғандағы «Арлен» балабақшасын басқарып келеді. Осы жылдар ішінде ол балаға білім беру ғана емес, білім алуға, дамуға және өз қабілеттерін ашуға қызықты орта құру қаншалықты маңызды екенін көрді.

«Арлен» балабақшасында 4 топ жұмыс істейді. Мұнда аймақтандыру қағидатына негізделген «Ерке» бағдарламасын пайдаланады: бала өз қызығушылықтарын тауып, дамыта алады.

Бірақ бір күні кәсіпкердің алдында жаңа сұрақ туды: одан әрі не болады?

Балабақшадан кейін ата-аналар мектеп таңдаумен бетпе-бет келеді, ал Талдықорғанда бастауыш мектеп жасындағы балаларға арналған сапалы жеке білім беру мекемелері аз болды. Кәсіпкер 6–10 жас аралығындағы балаларға арналған жекеменшік мектеп ашу туралы шешімге келді. AL-FARABI STEM Academy идеясы осылай пайда болды. Бұл балабақшаның жалғасы ғана емес, Алмаз Алмұхамбетовтің кәсіпкерлік жолындағы жаңа кезең.

Жобаны іске асыру үшін айтарлықтай қаржыландыру қажет болды: ғимарат сатып алу, жөндеу жүргізу және оқу үй-жайларын жабдықтау. Дәл осы жерде «Даму» қорының қолдауы маңызды рөл атқарды. Жоба «Өрлеу» қаражатын орналастыру бағдарламасы шеңберінде «Қазақстан Халық Банкі» АҚ арқылы қаржыландырылды. Қаржыландыру 120 ай мерзімге жылдық 12,6%-бен берілді. Алынған қаражат ғимаратты сатып алуға, қажетті жөндеу жұмыстарын жүргізуге, сондай-ақ жабдық пен жиһаз сатып алуға мүмкіндік берді.

Бүгінде AL-FARABI STEM Academy штаттық режимде жұмыс істейді және оқушылар мен ата-аналар тарапынан жоғары сұранысқа ие. Мұнда 1-сыныптан 4-сыныпқа дейінгі балалар жалпы бастауыш білім берудің бекітілген бағдарламасы (ҚР МЖБС) бойынша білім алады, қосымша сапалы сүйемелдеу және авторлық элементтер алады. Оқу процесіне Монтессори және жобалық оқыту элементтері, Эльконин — Давыдов бойынша дамыта оқыту, сыни ойлау технологиялары және бала үшін артық стресссіз қалыптастырушы бағалау біріктірілген.

Мектеп күні 8:00-ден 18:00-ге дейін созылады, ал үш реттік теңгерімді тамақтану баланың мектепте болу уақытына енгізілген. Үйірмелер мен секциялар оқу күні ішінде өткізіледі және қосымша ақы төлеуді талап етпейді.

Кәсіпкер үшін бұл жай ғана бизнес-жоба емес. Бұл бала оқуының маңызды жылдарын жайлы, дамытушы және заманауи ортада өткізе алатын орын құру мүмкіндігі.

Алмаз Алмұхамбетовтің тарихы жаңа бизнестің кейде «көбірек табыс табу» идеясынан емес, күн сайын өз көзіңмен көріп отырған мәселені шешуге ұмтылудан басталатынын көрсетеді. Егер тәжірибе, өз ісіңе деген сенім және идеяны нақты жобаға айналдыруға көмектесетін қолдау болса, балабақшадан мектепке бір-ақ қадам.

Instagram: @alfarabi_stem_academy

Мекенжайы: Жетісу облысы, Талдықорған қаласы, Ескелді би көшесі, 190

Телефон: +7 777 229 59 99