Жабу
Осы жылы «Назарбаев университеті» ДБҰ жанында бизнесті басқарудың жаңа модельдерін оңтүстік қазақстандық 38 кәсіпкер оқыды. Олардың арасында өңдеу өнеркәсібі саласынан 19, ауыл шаруашылығы саласынан 5 және тасымалдау мен қоймада сақтау саласынан 4 кәсіпкер болды. Ал ІТ саласынан бір, денсаулық сақтау саласынан бір өкіл қатысты.
«Алем БТ» ЖШС директоры Аслан Ибадуллаевтың айтуынша бұл оқу - алдыңғы қатарлы шетелдік ЖОО және кәсіпорындардың өкілдері бар, білікті мамандардан құнды білім алудың тегін мүмкіндігі. Және ең бастысы бұл қолжетімділігінде. Кез-келген ниет білдіруші өтініш қабылдау барысында «Даму» Қорына келіп, осындай жобалардың қатысушысы бола алады.
«ШОБ топ-менеджментін оқыту» жобасы табысты бизнес құрудың жаңа модельдерін енгізуге, әрекет етуші кәсіпорынды тиімді басқару дағдыларын дамытуға және бизнес-тапсырмаларды стратегиялық және тактикалық шешуге бағытталған.
Бұл оқу бизнес-жобаларды сәтті қорғаған жағдайда сертификат алуға және Германияда ұқсас кәсіптегі кәсіпорында тегін шетелдік тағылымдамадан байқаулық іріктеу арқылы қатысуға мүмкіндік береді.