Жабу
Қазақ мәдениетіндегі шежіре — ұрпақтан-ұрпаққа берілетін, ру-тайпаның шығу тегі мен тарихы туралы ақпаратты сақтайтын ежелгі дәстүр. Бұл мәліметтер ата-баба жайлы естеліктерін сақтауға, туыстық байланыстарды нығайтуға және ұлттық бірегейлікті қалыптастыруға көмектеседі. Ол ауызша түрде жеткізілуі мүмкін немесе жазбаша құжат ретінде сақталады. Дәстүрлі қазақ қоғамында өз шежіресін білу маңызды деп саналатын, өйткені бұл адамға қоғамдағы өз орнын анықтауға және ру алдындағы міндеттерін түсінуге көмектеседі.
Тарихи тұрғыдан алғанда, шежірені ақындар, ру ақсақалдары немесе тарихты жақсы білетін, есте сақтау қабілеті жоғары адамдар құрастыратын. Қазіргі уақытта шежіре жиі генеалогиялық ағаш немесе кітап түрінде рәсімделеді және отбасылық тарихты зерттеу үшін пайдаланылады.
Жеке кәсіпкер Медетбекова Жамсия Сұлтанбекқызы бизнеспен 2019 жылдан бері айналысып келеді. Кәсіпкер шежіре, сағат, және басқа да кәдесый ағаш бұйымдарын өндіреді. Шеберхана қазақ тайпаларын зерттеумен, қолдан жасалған бірегей отбасылық панельдер әзірлеумен және өндірумен айналысады.
«Банк ЦентрКредит» АҚ-ға жүгінген кәсіпкер ағаш бұйымдар өңдейтін жабдықтар сатып алу үшін несие алды. Жобаны субсидиялау және кепілдік беру құралдары аясында «2021-2025 жылдарға арналған кәсіпкерлікті дамыту жөніндегі ұлттық жобаның» 1-бағыты бойынша «Даму» Қоры қолдады.
«Менің миссиям – қазақтардың рулық дәстүрін қазіргі деңгейде қалпына келтіру, сақтау, дамыту және оны ұрпақтарымыз үшін мүлдем жаңа форматта жалғастыру. «Жеті атаның» шежіресі болашақ ұрпаққа мұра. Сіздің балаларыңыз, немерелеріңіз, шөберелеріңіз ата-бабаларыңыз туралы білетін болады, шежіре отбасыңыздың тарихын сақтайды», - дейді кәсіпкер.
Қызылорда облысы, Шиелі ауданы, Шиелі кенті, Абылай хан көшесі, 2-үй
тел: 8 702 312 35 00 , inst: @syilyktar_alemi_shieli
