Жабу
«Өз үйім, ақ сарайдай боз үйім» дейтін халқымыз баспанасының іргесі мықты, шаңырағы берік болуы ғана емес, әсем де болғанын да қалаған. Қазір үй салатын материалдардың түр-түрі болғанмен, олардың бәрін сапалы құрылыс материалы деуге болмайды. Құрылыс-өңдеу материалдарына қойылатын барлық талаптарға сай келеді деп «Деколит» ЖШС компаниясының өнімдерін атауға болады.
«Деколит» ЖШС - Павлодар облысында құрылыс-өңдеу материалдарын шығаратын, сондай-ақ 2001 жылдан бері пластик терезелер өндіретін ірі кәсіпорындардың бірі. Кәсіпорын қарқынды дамып келеді. Қазір қасбет, интерьер және тротуар плиткалардың 40-тан астам түрін шығарады. Олардың әрқайсысының 2-ден 10-ға дейін түсін қамтиды.
2018 жылы компания керамзит өндіру желісін де іске қосты. Керамзит - қабырғаларды, едендерді, шатырларды жылы ұстау үшін қолданылатын экологиялық таза, берік, жеңіл материал. Сондай-ақ керамзит жеңіл бетон дайындау үшін қолданылады. Желіні іске қосу өңдеу өнеркәсібі саласындағы шағын және орта бизнесті қолдау бағдарламасы аясында, «Сбербанк» АҚ ЕБ берген алты пайыздық несиенің арқасында мүмкін болды.
