«Тараз-ЦементСтрой» ЖШС мемлекеттік бағдарлама аясында қолдау алды

«Тараз-ЦементСтрой» ЖШС 2016 жылдан бері бетон өндірісімен айналысып келеді.

Осы жылдар бойы «Тараз-ЦементСтрой» нарықта орнын ойып алып, сенімді серіктес ретінде танылды. Алайда бәсекелестік өсіп, арнайы техника тозып, клиенттердің өнімді жеткізу мерзімдері бойынша талаптары ұлғаюымен компания көлік құралдарын жаңарту туралы шешім қабылдады.

2023 жылдың соңында компания автобетон араластырғыш пен SHACMAN маркалы ауыр көлік сатып алуды жоспарлады. Арнайы техника құрылыс басына дер кезінде бетон жеткiзу үшін қажет болатын.

Осыған байланысты компания несие алу жолдары мен мемлекеттік қолдау жайлы ақпарат алу үшін «Даму» кәсіпкерлікті дамыту қоры» АҚ Жамбыл филиалына жүгінді. Содан кейін компания «Банк ЦентрКредиттен» қаржы алды. «2021-2025 жылдарға арналған кәсіпкерлікті дамыту жөніндегі ұлттық жоба» бағдарламасы аясында «Даму» қоры субсидия ұсынып, қарыз жүгін жеңілдетті.

Жаңа техниканы табысты енгізудің арқасында компания клиенттерге түрлі құрылыс қажеттіліктері үшін цементтің арнайы түрлерін ұсына отырып, шығарылатын өнімді жеткізу мерзімін жеделдете алды, бұл жаңа клиенттер тартуға және нарықтағы үлесін ұлғайтуға мүмкіндік берді.

Жамбыл облысы, Тараз қаласы, Жайлау шағын ауданы, 4-үй

Тел. +702 822 68 95