Жабу
Ақтаудағы «Жайсаң бала-2» атты 530 оқушылық жеке мектеп-гимназиясы 2023 жылдың тамыз айында ашылды. Мектеп басшысы – Көшімова Мира Әмірханқызы.
«Жайсаң бала-2» жеке мектебі балаға күшті академиялық білім беріп, әлеуметтік, физикалық және шығармашылық дамуына көп көңіл бөлетін орын. Осы мақсатта мектеп жаңа техникалық жабдықтар мен оқу материалдары, заманауи спорттық және шығармашылық инфрақұрылыммен жабдықталған. «Жайсаң бала-2» қазақстандық білім беру жүйесі негізінде болашаққа қажет әлеуметтік дағдыларды дамытудың қосымша бағдарламасын қоса оқытады.
1-9 сынып оқушылары оқитын жалпы білім беретін мекеме ұрпақты сапалы біліммен саналы түрде тәрбиелеуді көздейді. Мектепте 60-тан аса педагог және 20-ға жуық кіші қызметкер жұмыс істейді. Қазір мұнда 800-ден астам оқушы білім алып жатыр.
Мектеп құрылысына кәсіпкер «Forte Bank» АҚ арқылы несие алғанда «Қарапайым заттар экономикасы» бағдарламасы аясында «Даму» қоры қолдау көрсетті.
Маңғыстау облысы, Ақтау қаласы, өндірістік аймақ, №8/30.
Тел: +7 775 423 96 21
Instagram: @jaisan_bala_2
