Жабу
«Рауан» ЖШС – 20 жылдан астам уақыттан бері Қазақстан нарығында жұмыс істеп келе жатқан кәсіпорын. Компания сусындар мен су өндіруге маманданған.
2006 жылы Tetra Pak картон қаптамасында TOY, UNO брендімен желі енгізді. Бұл олардың өнім ассортиментін кеңейтудегі маңызды қадам болды. Ал 2011 жылы «Рауан» ЖШС Көксайда зауыт ашып, минерал су мен шырындар құю басталды.
Компания дамуының негізгі кезеңі 2018 жылы жаңа «AQUA ROSSA» зауытының құрылысы болды. Бұл заманауи зауыт Шымкент қаласындағы «Тассай» индустриялық аймағында орналасқан және аса жылдам, жетілдірілген жабдықтармен қамтылған. Зауыт 2 гектар жеке меншікті алып жатыр және әртүрлі құю желісінде:
1) Балаларға арналған шырындарды TetraPak қаптамасына құю
2) Сусындарды дой-пак қаптамасына құю
3) Энергетикалық сусындар құю
4) Ауыз су құю
5) Шырын сусындарын банкаларға құю жұмыстары жүргізіледі.
Зауыттағы өндірістік процестер сүзудің жеті сатысынан өтетін ауыз тау суын пайдалануға негізделген. Су тау етегіндегі құдықтардан келеді, бұл аса сапалы су алуды қамтамасыз етеді. Компанияның барлық өнімдері сапа стандарттары, сәйкестік бойынша сертификатталған және «HALAL» сертификаттары бар.
Компания өнім бағасын да тұтынушыларға ыңғайлы етіп ұстауға тырысады.
«Ұлттық жоба» мемлекеттік бағдарламасына қатысу барысында кәсіпорынға айналым қаражатын толықтыру үшін 2023 жылы «Халық Банкі» АҚ несие мақұлдады. Несие бойынша 20,75 пайыздың 13,75 пайызын «Даму» қоры субсидиялайды.
Шымкенттегі қолайлы жерде орналасуының арқасында «Рауан» ЖШС өндіріс көлемін айтарлықтай арттырып, жергілікті тұрғындар арасында танымал бола алды және олардың көпшілігі компания сусындарының дәмін бала кезінен жақсы біледі.
Мекенжайы: Шымкент қ., Алматы тас жолы, 1289
Телефон: +7‒771‒818‒01‒01
Сайт: www.aquarossa.kz
