Жабу
Бақтыбаева Ақылай Сайранқызы – Жезқазған қаласындағы кофеханасы бар Q17 Arena компьютерлік клубының негізін қалаған кәсіпкер. Ақылай шығармашылық адамы. Жезқазған музыка колледжінде «хор дирижері» мамандығы бойынша білім алып, кейін сол мамандық бойынша оқуын Астанада Қазақ ұлттық өнер университетінде жалғастырған. Мамандығы бойынша 2023 жылға дейін Мемлекеттік академиялық филармонияда хор актрисасы болып жұмыс істеді.
Көп ұзамай Ақылай жақындары тұратын Жезқазған қаласына оралды. Көп ойланбастан, бизнеспен айналысам деп шешкен ол инвестор ретінде өзінің үлкен ағасын іске тартады. Екеуі нарықты зертей келе, Жезқазғанда кофеханасы бар, әсіресе тәулік бойы жұмыс істейтін компьютерлік клубтардың жетіспейтінін түсінді. Толық бизнес-жоспар құрып, «ЦентрКредит Банктен» несие аларда егжей-тегжейлі кеңес алып, ШОБ-қа мемлекеттік қолдау алу мүмкіндігі туралы білді. Нәтижесінде, «Даму» Қоры «Ұлттық жоба» бағдарламасы бойынша қолдады. Қаражатты коммерциялық үй-жай мен жабдықтар сатып алуға жұмсады.
Q17 Arena – үздіксіз жұмысының арқасында тәулік уақытына қарамастан достық кездесулер өткізуге болатын жайлы орын. Сондай-ақ клубта бірнеше VIP бөлмелер бар, сондай-ақ намазхана да қарастырылған. Ішінде дәмді таңғы ас пен хош иісті кофе ұсынатын жайлы кофехана бар.
Жезқазған қаласы, Есенберлин көшесі, 2/8 ғм
Тел: +7‒705‒407‒93‒17
Instagram: @q17cyberarena_zhez
