Жабу
Орал қаласындағы Хисмет Қапанов атындағы «Халықаралық гимназияның» негізін 2014 жылы облысқа белгілі профессор, философия ғылымдарының кандидаты Қайдар Хисметұлы Қапанов қалаған. Гимназия облыстағы алғашқы жекеменшік балабақша-мектеп кешені болды. Ашылған кезде балабақшада 53 оқушы, гимназияда 83 оқушы болды. 260 орындық гимназияда қазір 216 оқушы, балабақшада 150 бала тәрбиеленуде.
Биыл кәсіпкер «Қазақстан Халық Банкінен» несие алып мектептің бас ғимаратын салды. «Ұлттық жоба» мемлекеттік бағдарламасы аясында жылдық мөлшерлеме 21,75% болғанмен, оның 15,75%-ын «Даму» қоры субсидиялайды.
Гимназияда негізгі оқу жоспарымен қатар ағылшын және қазақ тілдерінде ауызекі сөйлеу, шахмат, жүзу, қызықты грамматика, қолданбалы сәндік өнер және хореография сияқты қосымша факультативтер ұйымдастырылады. 27 мұғалім жұмыс істейді. Мектепте спорт зал, асхана, кітапхана сияқты барлық қажеттіліктер бар.
Гимназия құрылған күннен бастап оқытудың инновациялық тәсілдерін белсенді түрде дамытып, оқушыларға жоғары білім мен тәрбие беруде.
Мекенжайы: БҚО, Орал қаласы, Жаңа орда ш.а., 22/1
Телефон: +7 (7112) 933 095
Сайт: www.isu.edu.kz
