Балалардың тілін шығаратын орталық

«Адал» ЖК-ны Құрманова Жанар Темірболатқызы 2022 жылы тіркеп 6 жасқа дейінгі балаларға арналған сөйлеу және мінез-құлықты түзету орталығын ашты. Мұндай орталық ашу туралы шешім Жанардың ұлы дүниеге келгеннен кейін қабылданды. Өйткені оның сөйлеу дағдылары кеш дамыды. Түзету әдістерін зерттей отырып, ол ұлымен өзі айналысып, бала психологиясы мен логопедия салаларын терең меңгерді. Баласы толыққанды сөйлей бастаған кезде, Жанар бұл тек өз ұлына ғана емес, сондай-ақ осындай қиындықтарға тап болған басқа да балаларға көмектесуді қалайтынын түсінді.

Осы мақсатты жүзеге асыру үшін ол ғимарат сатып алу үшін «Қазақстан Халық Банкінен» несие алуға жүгінді. 2021-2025 жылдарға арналған «Ұлттық жоба» аясында «Даму» қоры пайыздық мөлшерлемені субсидиялап, оны 8%-ға дейін төмендетті, сондай-ақ кепілдік қамтамасыз етудің жетіспеушілігін жапты. Бұл тек орталықты ашуға ғана емес, сонымен қатар оны сөйлеу диагностикасы мен түзетуге арналған заманауи құралдармен жабдықтауға мүмкіндік берді.

Орталық ашылған сәттен бастап белсенді түрде дамып келеді. Бірінші жылы онда ондаған бала көмек алды, олардың көпшілігінде сөйлеу және әлеуметтік даму жағынан айтарлықтай ілгерілеу байқалды. Қызмет көрсету ауқымы біртіндеп кеңейді: логопедиялық сабақтардан басқа, сенсорлық даму курстары, ерекше қажеттіліктері бар балаларға арналған түзету бағдарламалары, сондай-ақ ата-аналарға жеке кеңес беру енгізілді. Жанар Темірбулатқызы орталықтың басты құндылығы – әр балаға жеке көзқарас екенін атап өтеді. Орталық мамандары отбасылармен тығыз байланыста жұмыс істейді, балаларға ғана емес, ата-аналарға да тиімді қарым-қатынас әдістерін үйретеді. Мұндай кешенді тәсіл түзету процесін әлдеқайда нәтижелі және жайлы етеді.

Бүгінгі таңда «Ozim» орталығы балалардың сөйлеу дағдылары мен қарым-қатынасын жақсарту миссиясын жалғастыруда. Болашақта филиалдар санын көбейту, жоғары білікті мамандарды тарту және жаңа жұмыс әдістемелерін енгізу жоспарлануда. Жанар Темірбулатқызының тарихы – жеке тәжірибе мен өз баласына көмектесуге деген ұмтылыстың көптеген отбасылардың өмірін жақсы жаққа өзгертуге мүмкіндік беретін табысты бизнеске айналуының жарқын мысалы.

Ақмола обл., Кокшетау қ., Габдуллина к-сі, 102

+7 705 517 1670

Эл.адрес. j_kurmanova@mail.ru

Инстограмм: @center_ozim