Бизнесте жасқа шектеу жоқ

Жезді кентінің тумасы Абдрахманова Жамал Ақбейсенқызы – кәсіпкерлікпен айналысуға ешқандай жас кедергі келтірмейтінінің жарқын үлгісі. Бес немересін тәрбиелеп отырған қамқор әже бола тұра, ол Жезқазған қаласының экономикасын дамытып, бизнесін табысты жүргізіп отыр.

Ол кәсіпкерліктегі жолын саудадан бастады, бірақ уақыт өте келе оның бизнесі ауқымдырақ сипатқа ие болды. 2003 жылдан бері Жезқазғандағы «Француз үйі» филиалын басқарып келеді, сондай-ақ сұрыпталған және престелген қайталама шикізатты қайта өңдеу зауыттарына жеткізіп, оны сатумен белсенді айналысады. Қатты тұрмыстық қалдықтарды (ҚТҚ) қайта өңдеу мәселесінің маңызы артып келеді, ал оның бұл салаға қосқан үлесі өңірдегі экология жағдайды жақсартуға көмектесуде.

Алайда, Абдрахманова Жамалдың кәсіпкерлік қызметі тек ҚТҚ өңдеумен шектелмейді. Ол қойма алаңдарын жалға берумен де айналысады. Ұлытау облысында қоймалардың жетіспеуі логистикалық процестерді қиындатып, бизнес мүмкіндіктерін шектейді. Бұл саладағы болашақты бағамдай отырып, ол жалға беру үшін заманауи қойма салуды ұйғарды.

Жобаны жүзеге асыру үшін ол «Банк Центр Кредитке» жүгініп, «Даму» қорының қолдауымен «Ұлттық жоба» бағдарламасы аясында 7%-бен несие алды. Нәтижесінде, Жезқазған қаласында 2 450 шаршы метр аумақты қамтитын заманауи қойма кешені салынды.

Құрылыс жоғары сапалы материалдар мен заманауи технологияларды қолдану арқылы жүзеге асырылды. Жоба аяқталғаннан кейін барлық қойма алаңдары табысты жалға берілді, бұл тауарлардың сенімді сақталуын қамтамасыз етіп, өңірдегі логистиканы оңтайландыруға мүмкіндік берді. Бұдан бөлек, аумақтың бір бөлігі қалдықтарды жинау және қайта өңдеу жүйесін ұйымдастыру үшін пайдаланылуда, бұл бизнестің экологиялық жауапкершілігін арттыра түсті.

Бүгінде Абдрахманова Жамал Ақбейсенқызы – табысты кәсіпкер ғана емес, жас бизнесмендер үшін үлгі. Оның өмір жолы жастың – мақсатқа жетуге кедергі емес екенін, ал тәжірибе, еңбексүйгіштік пен дамуға ұмтылудың кез келген қиындықты еңсеруге көмектесетінін дәлелдейді. Бизнесте жас шектеуі жоқ, ал Абдрахманова Жамал Ақбейсенқызының табысты жолы – соның айқын дәлелі.

Жезказган қаласы, Садовое кольцо көшесі уч.12

+7 705 8330697