Жабу
Кеңес ал!
Мемлекеттік қызметте 17 жыл еңбек еткеннен кейін, Гаухар Жасанғалиқызы өмірін жаңа парақтан бастауға бел буды. Тұрақты қызметінен бас тартып, ешқандай кәсіпкерлік тәжірибесі болмаса да, зор ынтамен отандық сапалы өнім жасауға бел буды. Balqaimaq атты жартылай фабрикаттар өндірісі осылай ашылды.
Кәсіпкерлік оңай болған жоқ. Көптеген жаңа іс бастаған кәсіпкерлер секілді, Гаухар да қаржыдан қиналды. Өндірісті кеңейту мен тасымалды дамыту үшін едәуір қаражат қажет болды. Дәл осы сәтте мемлекеттік қолдау көмекке келді. «Даму» Қорының қолдауымен және «2021–2025 жылдарға арналған кәсіпкерлікті дамыту жөніндегі ұлттық жоба» аясында Гаухар «Банк ЦентрКредит» АҚ-нан жылдық 23,75% мөлшерлемемен несие алды, оның ішінде 15,75%-ын «Даму» Қоры субсидиялайды. Бұл қаржылық жүктемені айтарлықтай жеңілдетіп, бизнесті дамытуға мүмкіндік берді. Бұл ғана емес. Жартылай фабрикаттарды жеткізуге арналған автокөлікті сатып алу үшін, «Даму» Қоры кепілдік қамтамасыз етудің жетіспейтін бөлігіне 85% мөлшерінде кепілдік ұсынды. Мұндай қолдау Balqaimaq брендінің нарықтағы орнығуына және одан әрі өсуіне үлкен серпін берді.
Бүгінде Balqaimaq — бұл жай ғана дәмді тұшпара, мәнті мен котлет емес, бұл — отбасылық жылулық пен сапаның символы. Брендтің барлық өнімі қолмен, ешқандай қоспасыз және консерванттарсыз дайындалады, сондықтан да ол қазақстандық отбасылардың сүйікті тағамына айналып үлгерді. Гаухардың жолы — табандылық, жақындарының қолдауы және «Даму» Қоры сынды сенімді серіктестің арқасында армандардың орындалатынына жарқын дәлел.
Мекенжайы: БҚО, Орал қаласы, Сырым Датұлы көшесі, 39/1
+7 701 850 32 82
Instagram: @balqaimaq.oral.kz
