Bizdin Forma: импорттан артық отандық киім

«Даму» Қоры отандық өнеркәсіпті дамытуға үлес қосатын кәсіпкерлерді қолдап келеді. Солардың бірі – мектеп формасы мен арнайы киім шығаратын қарағандылық «Bizdin Forma» ЖШС.

Кәсіпорын тарихы 2010 жылы Қазақстандағы мектеп формасын шығарушы түріктің ірі Baharoglu өкілдігінен басталды. Озық технологиялар, сапа стандарттары мен бизнес-тәсілдерге қол жеткізе отырып, қазақстандық команда тәжірибені тек қана меңгеріп қана қоймай, оны «Bizdin Forma» брендімен өз өндірісін жолға қойып дамытты.

Бүгінде компания отандық нарықтағы мектеп формасы сегментіндегі көшбасшылардың бірі. Өндіріс ҚР МЕМСТ және ҚР СТ стандарттарына толық сәйкес келеді, өнімнің индустриялық сертификаты және СТ KZ бар, бұл оның ішкі нарық талаптарына сәйкестігін растайды.

Кәсіпорында заманауи жабдықтар, қолайлы үлгілер, модельдер каталогы, ең бастысы – тәжірибелі кәсіпқойлар командасы бар. Бұл оқу орындары, медициналық мекемелер, құрылыс және күзет компаниялары үшін жаппай және жеке тапсырыстарды орындауға мүмкіндік береді.

Bizdin Forma өнімі Астана, Қарағанды, Жезқазған, Балқаш, Ақтөбе, Семей, Өскемен, Талдықорған, Қызылорда қалаларында сатылады және Қазақстанның басқа да өңірлерінде.

Компания адал жұмысы үшін «Атамекен» ҰКП мен «Даму» кәсіпкерлікті дамыту қоры» АҚ құрмет дипломдарымен және алғыс хаттарымен марапатталды. Компания жергілікті өнеркәсіптің болашағын қалыптастырады, жұмыс орындарын құрады, өңірлердің дамуына ықпал етеді.

«Ұлттық жоба» мемлекеттік бағдарламасына қатысудың арқасында компания 2023 жылы киім өндірісі саласында қызметін кеңейту үшін «Банк ЦентрКредит» АҚ-нан жеңіл несие алды.

«Bizdin Forma» жеңілдетілген қаржыландыру, білім беру бағдарламаларына қатысу және консультациялық қызметтерді қоса алғанда, мемлекеттік қолдау шараларын белсенді пайдаланады. Компания бизнестің өсуі мен ауқымын кеңейту үшін мемлекеттің ресурстарын сауатты пайдалану жолдарын көрсетеді.

«Bizdin Forma» ЖШС – стратегиялық ойлау, халықаралық серіктестік және мемлекеттік қолдау Қазақстанда табысты өндіріс құруға қалай көмектесетіндігінің дәлелі.

Қарағанды қаласы, Александр Затаевич көшесі, 35

+7 (7212) 32-10-32; +7 (777) 313-79-88

Сайт: www.bizdinformakz.tilda.ws

instagram: @Bizdinforma.kz