Жабу
Кеңес ал!
«G-FIT» — Ұлытау облысында тек әйелдер үшін арнайы ашылған тұңғыш және жалғыз заманауи фитнес-клуб. Оны 2022 жылы Сәтпаев қаласының жігерлі, еңбекқор және өз ісіне қатты ғашық тұрғыны Гүлнұр Сауленбекова ашқан.
Гүлнұр 1985 жылы 30 қазанда кеншілер әулетінде дүниеге келді — әкесі кенші, ал анасы балабақшада жұмыс істеді. Отбасында төрт бала бар, Гүлнұр – үшінші. Бала кезінде заңгерлік жолды таңдауды армандап, кейінірек тергеуші болу үшін заң факультетіне оқуға түседі. Алайда тұрмысқа шыққаннан кейін жоспарлары өзгерді. Декреттік демалыста Гүлнұр тапсырыс бойынша торт пісіре бастады - ол үшін бұл бизнестен гөрі хобби болатын. Кейіннен киім-кешегі бар шағын бутик ашып, өзін саудада сынап көрді.
Спорт оның өміріне мақсат ретінде емес, шабыт ретінде келді. Жолдасы боксқа белсене атсалысып, соның тәртіп пен жігерінің арқасында Гүлнұрдың да қызығушылығы артты. Сол кезде Сәтпаев қаласында әйелдердің спортпен шұғылдануына жайлы жағдайлар жоқ болатын. Бастапқыда ол босанғаннан кейін дене пішінің қалыпқа келтіру үшін жаттыға бастады. Алайда уақыт өте келе дұрыс және қауіпсіз жаттығудың әдістеріне деген құштарлығы артты. Оқып, білім алып, түрлі курстарға қатысты. 2015 жылы Гүлнұр «Бейбарыс» фитнес-залына жаттықтырушы болып жұмыс істеуге шақырылды, ол жерде екі жылға жуық жұмыс істеді, содан кейін «Качалка» жаттығу залына ауысты, ол жақта оның өз тәлімгерлері пайда болды. 2018 жылы ол өзінің алдына жаңа мақсат қойды — жарыстарға дайындалу және өзін барынша көрсете алатын бағытты таңдау. Осылайша оның өмірінде пауэрлифтинг пайда болды. Екі жылдық қарқынды жаттығулар, оқу және тәжірибе барысында ол IPF пауэрлифтинг спорт шебері атағын алды.
Әйелдер үшін, әсіресе шағын қалаларда спорттың қолжетімділігі қаншалықты маңызды екенін түсіне отырып, Гүлнұр әрбір әйел өзін сенімді, жайлы және қауіпсіз сезіне алатын жеке фитнес-клуб құруды шешті. Оны құру барысында «Банк ЦентрКредит» АҚ субсидияланған несиесінің және «Даму» қорының мемлекеттік қолдауының көмегімен Бірыңғай кешенді бағдарлама бойынша фитнес-клубқа барлық қажетті жабдықтарды сатып алынды.
Бұл үлкен жолдың басы болды. Бүгінде оның командасында сегіз әйел жаттықтырушысы еңбек етеді, ал залдың өзі жай ғана жаттығу алаңы емес — әрбір әйел үшін өзгерістің, жігерленудің және дамудың мекеніне айналуда. Бұл қабырғалар өзара қолдау атмосферасына толы, әйелдерге өз дамуында келесі деңгейге өтуге мүмкіндік береді. Гүлнұр шәкірттеріне жеке жаттығу әдістерін үйретеді, енді олардың арасында ізінен ерген қыздар да бар. Ол осы бағытты одан әрі дамытуды армандайды, оның ішінде Жезқазған қаласында фитнес-клуб ашу, өйткені ол жақтан қыздардан көптеген өтініштер түседі. Жоспарда — жеке ғимарат сатып алу, франшизаны іске қосу, сондай-ақ көп балалы аналар мен жалғызбасты аналар үшін тегін жаттығулар ұйымдастыру, олар үшін тіпті 15–20 мың теңге де айтарлықтай сома.
«G-FIT» — әйелдердің өзін тауып, жеңіске жетуі, тілектестік рухындағы бірлігі және жалғыз қалмаған кезде әрдайым барлығының мүмкін болатындығы жайлы.
Сәтпаев қаласы, Ерден көшесі, 192
Байланыс телефондары: +7 777 048 0555
Instagram: gfit__club
