Балабақшаның табыс тарихы

«Алғашқы білім беру жүйелері ежелгі дәуірде (б.з.б. 6-5 ғғ.) қалыптасты. Әйгілі Рим, Афины, Спартан мектептері оқытудың әдістері мен мазмұнымен, мақсаттарымен де ерекшеленді. Сонымен, ежелгі грек ойшылы Аристотель дене тәрбиесі, жеке тұлға тәрбиесі және қоғам тәрбиесінің бірлігі туралы айтқан. Сонымен бірге, тән тәрбиесінің рухты тәрбиелеуге ықпал ететінін баса айтты. Тағы бір философ Демокрит тәрбие процесі адам болмысын өзгертеді, белгісізді түсінуге құштарлықты, жауапкершілік пен борыш сезімін қалыптастырады деп тұжырымдаған. Тәрбие үш қазынаға жетелейді: жақсы ойлауға, жақсы сөйлеуге, жақсы іс жасауға жетелейді. Ежелгі Рим философтары да бала тәрбиесі мәселесіне үлкен көңіл бөлген. Осылайша, Плутарх отбасында баланы оқыту мен тәрбиелеудің орасан зор маңызы туралы айтты. Ол ана тәрбиесінің қажеттігін баса айтты. Ана өз балаларының күтушісі болып қалуы керек. Ежелгі дәуір философтарының барлығы дерлік адамгершілік қасиеттерді дамытуды, заңға бағынуды, үлкенді, тәлімгерді, жолдасты сыйлауды, жаман бейімділіктерді басуды тәрбиенің басты міндеті ретінде ұсынды. Дәл осы педагогика ғылымының постулаттары көне дәуірден бүгінгі күнге дейін уақыт сынынан өткен.

Алматыдағы осындай мекемелерінің бірі «Бала-Бақша Айша» ЖШС. «Бала-Бақша «Айша» жауапкершілігі шектеулі серіктестігі мектепке дейінгі тәрбие беру мақсатында 12.08.2014 жылы тіркелген, қазіргі таңда 10 жылдан астам жұмыс өтілі бар. Қазір бұл кәсіпорындарда 280 орындық 4 балабақша бар.

«Даму» кәсіпкерлікті дамыту қоры» АҚ қолдауымен «First Heartland Jýsan Bank» АҚ арқылы компания «Кәсіпкерлікті дамытудың 2021-2025 жылдарға арналған ұлттық жобасы» бағдарламасы бойынша қаржы алды. Бағдарлама шарттарына сәйкес сыйақы мөлшерлемесінің субсидияланатын бөлігі 21,75% құрайды, оның 13,75% «Даму» Қоры есебінен, 8% кәсіпкер төлейді. Төмен пайыздық мөлшерлемемен қатар, компания «Даму» Қорының кепілдігін пайдаланды. Алынған несиеге балабақша құрылысы аяқталып, құрал-жабдықтар алынды.

Қолдау арқасында Компания көрсетілетін қызметтер аясын кеңейтіп, жаңа жұмыс орындарын ашты.

Мекен жайы: Алматы қ-сы, Теректі ш.а., Орталық к-сі, 81
Телефон: +7-727-319-53-78

Instagram: @aisha_balabakshasy2014