Жабу
«Даму» кәсіпкерлікті дамыту қоры» АҚ қауіпсіздік қызметі Қордың атын жамылған алаяқтардан сақ болуды ескертеді. Мемлекеттен субсидия және кепілдік алған Қор клиенттеріне әлдебір азаматтар телефон соғып, өздерін «Даму» Қорының қызметкерімін деп таныстырып, биржадан акция, облигациялар сатып алуға ұсыныс жасайтыны анықталды.
Осыған орай, «Даму» кәсіпкерлікті дамыту қоры» АҚ мұндай келісім-шарттарға қатысы жоқ екенін ресми түрде мәлімдейді. Алаяқтардың арбауына түсіп қалмаңыздар.
Осындай ұсыныс жасап, Қор қызметкерлерінің атынан қоңырау түскен жағдайда төмендегі құпия байланыс құралдары арқылы дереу хабарласуды сұраймыз.