Бір оқушыдан кәсіби командасы бар білім беру орталығына дейінгі жол.

«Calctech» компаниясының тарихы 2017 жылы бір оқушы мен жалға алынған бір кабинеттен бастады. Алғашында команда инженерлік жобалармен айналысуды жоспарлаған болатын. Алайда заңды тұлға ретінде тіркелгеннен кейін және нарық жағдайын талдап, уақытша білім беру саласына бет бұру туралы шешім қабылданды. Бұған себеп – бір оқушыны NIS мектебіне түсуге дайындау болды. Алғашқы шәкірт емтиханды сәтті тапсырып, орталықтың болашақ дамуына жол ашты. Бастапқы капитал шамамен 75 000–100 000 теңгені құрады, ал штатта бар болғаны 2 қызметкер болды.

Соңғы жылдары «Calctech» 26 қызметкері бар мықты командаға айналды. Уақытша репетиторлықтан толыққанды білім беру қызметіне көшу оқу бағдарламаларын кеңейтумен, тұрақты ұжым қалыптастырумен және кеңірек ғимарат жалдаумен қатар жүрді.

Дамудағы басты қадам – филиалдық желіні кеңейту және білім беру қызметтерінің маркетплейстеріне шығу болды. Компания дамудың алғашқы кезеңдерінде бірқатар қиындықтарды еңсерді: шағын қалада білікті педагогтарды іздеу қажеттілігі, ірі қалалардағы жалақы деңгейімен салыстырғанда кадрларды ұстап қалу, маусымдық сұранысқа бейімделу (жазда оқушылар санының азаюы), оқушылар саны өскен жағдайда оқу процесін ұйымдастыру. Барлық қиындықтарға қарамастан, компания білім беру сапасын тұрақты деңгейде қамтамасыз ететін жүйені қалыптастырды.

Бүгінде «Calctech» 10 000-нан астам оқушыны оқытып, тәжірибелі мамандарды жұмысқа тартып отыр. Бір мезетте оқитындардың саны 1 адамнан 250 адамға дейін өсті.

«Даму» қорының қолдауы «2021–2025 жылдарға арналған ұлттық кәсіпкерлікті қолдау жобасы» аясында компания пайыздық мөлшерлемені субсидиялау түрінде АО «Қазахстанның Халық Банкі» арқылы қолдау алды. Қаражат өз меншікті ғимарат сатып алуға бағытталды, бұл бизнесті одан әрі дамыту үшін стратегиялық қадам болды.

Қолдау алғаннан кейін «Calctech» штат санын 10 адамға арттырып, жұмыс көлемін екі есе ұлғайтты. Өз ғимаратын сатып алу оқу бөлмелерін кеңейтуге, оқу жағдайларын жақсартуға және қосымша 10-нан астам сынып қабылдауға мүмкіндік берді.

Компания филиалдық желіні кеңейтуді, заманауи білім беру технологияларын енгізуді және оқушыларды халықаралық емтихандарға дайындау бағдарламаларын дамытуды жоспарлап отыр. Негізгі қағида – сапа мен әр оқушыға жеке көзқарасты сақтау.

Көкшетау қаласы, Назарбаев көшесі, 21/1 үй

+77019988908

Инстаграмм: @calctech

Почта: ulbossynslanova@gmail.com