Жабу
Кеңес ал!
Балқаш қаласында орналасқан «SILK GENERAL GROUP» ЖШС Қарағанды облысында канализациялық құдықтарға арналған композиттік қақпақтарды шығаруды алғашқылардың бірі болып іске қосқан компаниялардың қатарына жатады. Өндіріс 2016 жылдың басында «Бизнестің жол картасы 2020» мемлекеттік бағдарламасы аясында «Даму» қорының қолдауымен басталып, жеңілдетілген қаржыландыру арқылы инновациялық идеяны жүзеге асыру мүмкін болды.
«SILK GENERAL GROUP» ЖШС бастапқы жетістіктермен шектеліп қалмай, белсенді дамуын жалғастырды. Бүгінде компания Балқаш қаласында құрылысқа арналған құрғақ қоспаларды шығаратын жалғыз өндіруші болып табылады және өнімдерін «QAMAL» жеке сауда белгісімен ұсынады. Заманауи жабдықтармен қамтылған өндірістік желі ауысымына 20 тоннаға дейін қоспа шығаруға мүмкіндік береді, бұл жеке де, кәсіби құрылыс саласының да қажеттіліктерін қанағаттандырады.
2021 жылы «Кәсіпкерлікті дамыту жөніндегі 2021–2025 жылдарға арналған ұлттық жоба» аясында компания өндірісті кеңейту үшін «Қазақстан Халық Банкі» АҚ-нан қаржыландыру алды. Кепілдік қамтамасыз ету жетіспеушілігі кезінде «Даму» қоры несие бойынша кепілдік ұсынып, бұл кәсіпорынның одан әрі өсуінде маңызды қадам болды.
«QAMAL» желісінің ассортиментіне мыналар кіреді: екі түрлі гипстік сылақ, полимерлі және гипстік әрлеу шпатлёвкасы, цементтік сылақ, тегістеуші еден қоспасы, екі түрлі плитка желімі.
— «Бастапқыда композиттік люктер өндірісіне басымдық бердік, алайда одан әрі дамуды жөн көрдік. Қазіргі таңда «QAMAL» желісінде сегіз атау бар. Бұл — нарықтағы бағадан төмен, сапалы материалдар», — дейді «SILK GENERAL GROUP» ЖШС директоры.
Компания өндірісті жергілікті деңгейде дамытуға мән береді: гипс пен мәрмәр ұны — қазақстандық өндірістен, ал химиялық қоспалар Швеция мен Германияның сенімді еуропалық өндірушілерінен сатып алынады. Бұл өнімнің сапасы мен тұрақтылығын жоғары деңгейде ұстап тұруға мүмкіндік береді.
— «Біз жергілікті шикізатты еуропалық технологиялармен ұштастырдық, ал нәтиже — көз алдымызда. «QAMAL» өнімдері — қолжетімді, сенімді әрі заманауи», — деп атап өтті компанияның технологы Әділ.
Құрғақ қоспалардан бөлек, SILK GENERAL GROUP келесідей өнімдерді шығарады: бақылау құдықтарына арналған композиттік люктер, TAYMAS тайғаққа қарсы бастырмалар, маса ұстағыштар, құрылысқа арналған шығын материалдары.
Мемлекет пен «Даму» қорының қолдауының, сондай-ақ өздерінің даму ниетінің арқасында SILK GENERAL GROUP бүгінде құрылыс материалдары нарығында орнықты позицияға ие заманауи кәсіпорынға айналды. Компания жергілікті экономиканы нығайтып қана қоймай, «Қазақстанда жасалған» өнім сапасының деңгейін де көтеріп отыр.
Қарағанды облысы, Балқаш қ., Шашубай мөлтек ауданы, Қошқарбаев көшесі, 6-үй, 31-пәтер
Телефон: +7 (71036) 4-31-22, 8 777 223 30 47, 8 700 921 37 02
Веб-сайт: www.silkgg.kz
Эл пошта: silkgg@mail.ru
