Жабу
Кеңес ал!
Білім күні қарсаңында Шымкент қаласында «Даму» Қорының қолдауымен жаңа мектеп — Shymkent City School — өз жұмысын бастады. Бұл — мемлекеттік стандартқа сай білім беретін, жеке меншік, бірақ тегін мектеп. Мұнда қауіпсіздік пен шабытты орта, жылы атмосфера мен тәрбиеге мән берілген. Мектептің басты ерекшелігі — заманауи оқу бағдарламасы, тәжірибелі ұстаздар, шығармашылыққа қолдау және мектеп формасының болуы. Мектеп 1100 оқушыға арналған кең әрі заманауи ғимаратта орналасқан.
Оқушыларға арналған үйірмелердің таңдауы кең: спорттық бағыттар, шахмат, көркем гимнастика, домбыра, робототехника, бейнелеу өнері мен сәндік-қолданбалы шығармашылық.
Оқу процесі толық күнге жоспарланған:
негізгі сабақтар (09:00–14:30) — тегін,
ұзартылған күн — ақылы,
қосымша курстар мен үйірмелер,
олимпиадаларға дайындық,
1–4 сыныптарға арналған тегін түскі ас.
2024 жылы мектеп «Бірыңғай кешенді бағдарлама» аясында «Банк ЦентрКредит» АҚ-нан жылдық 19,50% мөлшерлемемен құрылысқа қаржы алды, оның 10,50%-ын «Даму» Қоры субсидиялайды.
Shymkent City School — бұл жай ғана білім ордасы емес, бұл — баланың болашағына салынған инвестиция.
